VJESTNIK 3. (ZAGREB, 1901.)

Strana - 176

176 hab ich mein rattschlag vngefärlich mitt disen wortten vnd beschwerdtem herzen gethan. Gott sey es clagt, des ir her obrister onder die andern Windischen hern kain ander weg vnd strass, dan allain auff khager vnd weider missten zu ziehen. So doch allweg gesagt worden ist, es werdt vns weder weider, perg, wasser noch prügken nicht irren noch hindern. Ob sollihs vnd das kain anderer wegfierer verhanden sein solt, nitt zu erparmen sey, vnd ich besorg, wir werden vns dardurch in geferlihaytt vnser leyb, leben vnd der Ku. Mt. land vnd leydt in nachtayll geben, ich stellett aber gott, dem allmechtigen, das er darinn ein barmherziger mittler, fuerer vnd erhalter sein wolt, die sehen haim, vnd weyll es aber nun an dem sein solt, were demnah mein gutt bedungken, das man den zug dem prügkl zu disen tag aufs veindist neme, wo man aber das priigk, also tags oder pöse dess wegs halben, nicht erraschen meht, damecht zu nachent vnd verwarrett, darmitt vor den veinden nitt würd abgedrungen, damitt hab ich meinen ratschlag derselben zeytt beschlossen, die obristen der landthauptleudt vnd kriegsrätt sein auch angeregtem meinem rattschlag mitt besserer auspierung vnd mererm bedencken zu gefallen vnd darauff sy ainhellig mitt sambt den Hungnschen herrn beschlossen haben. Was aber gemeltn hern Hansen Cazianer ober die yez gedacht ainhellig berattschlagung bewegt vnd vervrsacht, das er das kriegsfolck zu nöchst bey Goria nider zu legem verordnett hatt (welchem noch gelebt worden), ist mir nitt wissentt. Vnd in dem selben leger hatt offt gedachter herr Cazianer als obrister wider die obristen, all hauptleutt vnd kriegsrätt für vnd zu im gefordert, ist meins gedenckens an Santt Gallen tag beschehen, vnd den selben lautter angezaygt : Erstlich im weren gewisse kundsehafft kamen, das dem Thürcken etlich taussentt zu ross vnd fuss zu kamen, vnd das der veindt endtlih vorhaben wem, vns mitt sambt dem tag an allen ortn anzugreyffen. Weytter hatt er angezaygt, er hett in den vergangen tagen die gemiettr der menschen gesechen, vnd abgenomen, da wer niemanz, als die gerüsten pferdt die stunden, sunst wer alles kricgsvolck nit ains pfenigs werdt, die Heussaren fliechen, so offt sy den feindt sehen, vnd yez in der stund wem ettlicher ansechenliher personen mitt ettlich hundert pforden verrügkt vnd sich abgestrayfft. Zum dritten, so hett er kundschafft, das inen weder in zwayen oder dreyen noch in acht tagen kain profanndt zu kamen meht, das wer gewiss. Zum vierdtn zaygt er abermaln an, das der abgemelte wald vnd ain pöess khag weit, vnd man mechte mitt dem geschüz noch andern wegen nicht faren, sunder er miest nur ein wagen nach dem andern geen. Es were auch ain prügken verhanden, vnd niemands west, ob die selb tragen würd. Vnd die weyll nur die Sachen dermassen stienden vnd er sehen thett, das weder zu steen noch zu schlachen, vnd er mitt dem kriegsvolk nitt versechen ist, sey er Cazianer endschlossen, das der graff von Latran mitt allen khnehten, als der selben obrister vmb mitte nacht auff sey vnd zu der prügken ziechen, vnd die selb auch verhiett, vnd das von den Heussarn nah andern kain flucht geschechen thett vnd er graff soll bey der selben prügken so lang beleyben, bys all heuffen vber die prügken, das khag vnd auff der weytt sein, den abzug also auff Walpo zu than vnd drey stund vor tags solle anfangs mitt der schalmeyen vnd dan lerman geplasen werden. Die Ihauptleudt vnd reytter sollen von stundtan nach dem lerman vber die prügken ziehen vnd enhalb der prügken zu nächst dabey soll man mitt den heuffen halten. Da selbst will beschayd geben, vnd man soll auch all wegen, jeder Wagenburg verlassen. Sollichs ist bey dem merern taylle der hauptleudt vnd kriegsrätt beschlossen worden, vnd das sich ein yeder dem selben nach richten soll, also von ein ander gangen. Dabey hatt auch offt gemelter hr. Cazianer gemeldt, nach dem das geschüz vnd dess selben munition, also auch miest verlassen werden, hette er sollichen nach dem zeugmayster auch püxsenmayster gnügsam beuelch geben, das sy das geschüz zersprengen vnd das pulfer sambt aller anderer munition vnd nottürfft verwüsten sollen, das also