VJESNIK 11. (ZAGREB, 1945.)
Strana - 247
N. ŽIC, HRVATSKA KRONIKA B. A. KRČELIĆA 1749.—1762. 247 Iz Karlovečke generalije tulikaj prvič izešel je lički oberster V e 11 a 57 i ž njim kako oberstleitinant Laudon 58 (sada vredni i glasoviti general, koji tabora ovoga zbog vredne službe izvišen i prečasten je) i drugi takaj oficeri i z ovemi ljudi 4300. Za njimi čez malo oberstar konjanički baron Mitrovski svojem šeregom izešel je. Iz Varaždinske takaj generalije oberstar Mihaljević ispeljal je soldatov 2200. Za kojem čez malo oberstar Brentano z tulikemi je odišel. Generali tulikajše Draskovic, Petazzi, Beck taki iz pričetka i vu mesecu juliušu odišli su. Vu Zagrebu na miru i vse ovo vreme orsačko spravišče bilo je i vu posleh velikeh zadržavalo se. Grof general locumtenens Adam de Batthyan vu augustušu regiment, kako veli se, prvo Wetthessev, zadobil je. 23. dan septembra vu Beču od kraljice imenuvan i razglašen za bana horvatckoga je grof Ferenc de Nadasd, general, kako veli se, e q u i t a t u s, grada budinskoga komendant etc., vitez glasoviti vu vseh taboreh, kako svedoči historija i vsi narodi. Po prijetom ovom vu Zagrebu glasu g. orsački mešter Peter Škrlec i kanovnik zagrebečki Januš Paxi vu Beč poslani su, da od strani grofov, vuzemši onde grofa Theodora Batthyani, imenom orsaga novoga bana pozdrave, radost, koju ima orsag, obznane, skrb i posle orsačke preporuče, kada dojde, zezvedu, za zastavu previde, koju navadno je dati banu, vu njegovom vpeluvanju, oprave, da spravišče dokonča se, konce doklam ban novi vpelja se. Koji po svojem povračku opravlena od sebe orsagu razvestivši med drugemi povedali su, da 24. dan novembra vu Varaždin ban dojti dokončal je i onde svoje vpeluvanje i prebivalihče imati i postaviti. Ada po odlučenom pravdenom proti Moslovčanom previgjenu i izebranom za prezesa gosponom Ferenc Kuševiću, oberstleitinantu auditoru, Banskeh krajin i drugeh kuliko moguće je bilo naravnanju, dugo vu Zagrebu orsačko spravišče svoj konec imalo je i gospoda horvatcka, za prijeti dostojno novoga bana, razešli su se. Prvo vindar i još vu ovom spravišču capitaneatum regni iliti vu soldačkeh i vojničkeh najvekšu oblast i ravnanje, kaj orsag tak poleg dopuščenja Mafijaša L, vugerskoga kralja, kakoti i kraljujuče Marije Terezije vu letu 1750. orsagu danoga diploma daje, i postavlja banu novomu dali su. Prveša bila je navada, da vu dnevu vpeluvanja banom orsag oblast ovu daval je, ali i kojemu drugomu, kako svedoči historija. Dan ada 24. novembra (spravivši se prvo vu Varaždin gospoda, i iz Banskeh krajin oberstar Setwitz z jednem jezerom soldatov, orsačka, tulikaj zastava i pod njum Turopolci, plemenitaši i slobodnjaki orsački, pod vicebana ravnanjem, banderium tulikajše, najmre gdina biskupa, kaptoloma zagrebečkoga i prepustov, familij Erdedijanske, Draskovic, Batthyani, Prlac, 59 Keglević, Patačić i ostali. Primorcev zbog vman vremena i kratkoće ni bilo i na svoje postavivši se rede) čez Štajer i od Ptuj a putu, Ban z bratom svojem oberstarom Jožefom iduči, prvič po poslaneh naprvo z baronom Ištvan Patačićem je došel, pod šator, pod kojem poglaviti i gospoda vu častih postavlena i pod zastavu ne iduča, jesu ga dočakali i mešter imenom i od vseh strani je ga pozdravil. Kade tako ban kak i drugi na konje postavivši se, vu Varaždin med soldati i banderiumi, okolu čakajučemi i banu naklanjajučemi, na njegov stan hiše najmre Draškovićijanske sprevodili jesu ga i potle razišli se. Ban pako napotlam g. biskupa zagrebečkoga Ferenc Thauszy, kako odlučenoga na ov vpeluvanja posel komisara kraljevskoga, je pohodil i od njega bil pohogjen. Dan 25. novembra postavivši se na svoje rede, kako včera soldati i banderiumi, gospoda pako skup spravivši se, i tak po bana zmed sebe izebrane, kakoti i po kraljevskoga komisara poslavši, z navadnum ceremonijum vpeluvanje je bilo i potle vu cirkvu franciškanov išli su, kade pri popevane sv. meše vsi bili su, pod kojum bat, gpon Januš Bužan, tabule banske ašešor, zastavu pako g. Miklouš Bedeković, varmegje varaždinske vicekomeš, držali su, koja banu vsegdar daju se još z kojemi darmi vu penezeh, ali kako negda konjih, i ostanu. Za kojemi prisegu tak svetlomu cesaru kako kraljice vučinivši, vu ljuctva i puka vivat kričanju, na svoj stan je sprevogjen, davši gospode obed, puku navadnoga pečenoga celoga vola i vino. Dan 26. novembra pod bana prezidencijum spravišče bilo je. Vu kojem vicebanom imenuvan i potvrgjen je g. Adam Najšić i nazad svoje mesto iliti stolec vu spraviščah (ništarmanje vindar poleg dokončanja kraljevskoga Dvora za supremus komešem Juršićem) prijel i zadobil, ar po bana smrti, premenjanju, vicebanija tulikajše prestaje, niti viceban kako takov mesta ima, doklam od drugoga bana 57 Vehla. 58 Barun Gedeon Laudon. 59 Rajmund markiz Perlas.
