VJESNIK 11. (ZAGREB, 1945.)
Strana - 248
248 VJESNIK HRVATSKOG DRŽAVNOG ARHIVA ne znovič potvrgjen. Mešter pako novoga bana pečat prijel i zadobil je. Banska tabula, da za dojduče leto bude vu Varaždinu, je obznanjeno. Straža takaj, koja vu Pake i po drugeh mestah od Iajnskoga leta po Krajnščaneh je bila držana, raspuhčena je. Pravda proti Moslovčanom 5. dan decembra je se počela, koja vindar ovo leto dokončana ne bila. Ovoga leta dan 5. aprilisa od pape Benedikta XIV. med drugemi eršeg bečki Jožef de Trautson 00 i biskup Konstancije baron Konradus Rodth 61 kardinali rimske cirkve imenuvani su. Na mesto pako pokojnoga Althama v a t c k i vu vugerske zemlje biskup od vugerske i naše kraljice imenuvan je grof Krištof Migazzi. LETO 1757. 9. dan januariuša gospon Januš Juršić za supremus komeša varmegje zagrebečke po grofu generalu Adam Batthyan kako komisaru kraljevskomu je vpeljan vu Zagrebu, kakoti tulikajše grof general Jožef Draskovic na koncu rečenoga meseca vu Križevceh po istom grofu kako komisaru kraljevskom, i kajti general grof Draskovic vu taboru bil bi, grof Januš Patačić kako odlučeni administrator mesto Draškovića bil je vpeljan. Banska tabula vu Varaždinu z osebujnum marlivostjum tekla je. Pod kojum križevečke varmegje pro vremena i pravdene restauracije vicekomeš dan bil je g. Anton Janković, notariuš Jožef Lovb, 62 suci veliki Tadeuš Stručić i Ferenc Grošić. Zvan pako pravdeneh vu tabule banske poslov i druga vnoga orsačka naravnana su, kako 1. neprilike, koje okolu Kalnika med orsaga ljuctvom i generalije varaždinske bile su, na kojeh naravnanje iz Beča i armade general Beck vu Varaždin k banu bil je došel i zatem povrnul se. 2. Nesloge koje bile su zbog falšneh plemeniteh cimerneh listdv, po nekojeh razdeleneh. Zbog česa stanoviti Jurjević 83 vu vuzu je odpeljan i prebubnjan. Drugi vekši krivci razbegli su se. 3. Tvrdokornost tulikaj Moslovčanov je vugašena, ar otajno od strani Krajin banskeh vu selo Gračenice oberstar Setwitz jezero soldati dojduči, Od strani Čazme iz Varaždinske takaj generalije, od Ivanić pako gospon viceban Adam Najšić i g. oberstlaitinant Januš Habianec z banderijanci Moslovčane jesu obstrli. Koteri videči sebe obstrte na pokornost podali su se i krivce izdali. Kojem vu Varaždinu sud je vučinjen i na šancev kopanje vnogi obsugjeni i poslani su. I ovak Moslovčanov posel dokončan je. Gospodin ban od kraljevskoga takaj Dvora na baniju 5000 Rh. imenom plače je zadobil, kaj vre zdavna vu tulikeh dietah po artikulušeh bilo je prošeno. Kajti još lani vu decembru gdin biskup belgradški i prepust zagrebački Štefan Pute, banske tabule ašešoriju bil bi ostavil, na ovoga mesto ašešorom postal pod ovum tabulum je g. Jožef Galjuf, kanovnik zagrebečki i jasprist kalnički, opat takaj sv. Jelene od Podborja. Grof Adam de Batthyan, general i locumtenens, po daneh informacijah i koja časti i poslov njegoveh dotikala su se, iz horvateke zemlje prvič svojemu regimentu i potle kraljevske armade je odišel. Iz generalije karlovečke 5O0O soldatov znovič vu tabor odišlo je i z ovemi oberstar Kleffelt i drugi njihovi oficeri. Iz Banske krajine 2000 z oberstleitinantom Šimunom baronom Brnakovićem i z oberst-Wohmestrom Krištof Vojkovićem. Za koteremi potle i znovič Simon Petković kako kapitan 500 ljudi je odpeljal i gore oberstwohmester vučinjen je. Iz Varaždinske takaj generalije 2000 ljudi je izešlo. 24. januariuša, poklakam na naglom general Piccolomini bil bi vumrl i kralj prusijanski još za ljute zime tabor počel i srečne boje nekoje imal, tak da istu vu Bohemije Pragu bil bi obsel, ban naš Ferenc Nadasdi zapoved dobil je, kaj hitreje postaviti se k armade kraljevske. Zato poleg kraljevskoga Dvora volje gospodina biskupa Ferenc Thauszy vučinivši i ostavivši banske časti locumtenensa, kaj hitreje z pričetka majuša vu Beč i potle k armade je se postavil, kade z velikoga spomenka marešalom Leopold Daunom dan 18. juniuša neprijatela jesu obladali, zaprtu Pragu oslobodili, svojega imena vekivečnom glasu. Na spominek vekivečni ovoga obladanja Marija Terezija vu Beču soldački podignula je , red, koji or do Theresia nus ozava se. Vu ovoga prijemlu se, koji kaj osebujnešega zmed soldatov iskažu. Jesu razlučeni najmre od vekšega i m e n š e g a, kako govore, križa. Imaju svoje penzije iliti prikaznu plaču, regule, preštimanje. Prvi zmed oveh križarov od vekšega križa vučineni su herceg Karol od Lotharingije, grof marešal Daun i grof Ferenc Nadasd, ban horvatcki. 60 Grof Josip Trautsohn. 61 Barun Franjo Konrad de Roth (Rodt). 68 Josip Felix Loöb (Loob), advocatus pauperum 63 Iz Jamnice.
