VJESNIK 11. (ZAGREB, 1945.)

Strana - 244

244 VJESNIK HRVATSKOG DRŽAVNOG ARHIVA Vu Sklavonije takaj, navlastito verovitičke varmegje, odprtu nepokornost i svojvolnost podložniki iskazali su, dapače po rastresenom gore spomenute nevernosti i pripečenja glasu vu vsakom orsaga mestu podložniki svoju nepokornost i sloboščine znamenja kazali su, da segurnosti gospode ne bilo. Zato nekoteri vu Zagreb, nekoteri vu Varaždin, i svojem blagom, na kuliko moguče je bilo, zbog vekše segurnosti prenesti i postaviti jesu se morali. Grof locumtenens na miru vu Petrine bil je. Zato vu ovom podložnikov zburkanju gospoda horvatcka potrebna zamudili nesu, nego svoje držeči konferencije, kaj se Podravcev i biškupčijancev dotiče, general grof Jožef Draskovic, tak z gospodum poglavitum, kako i banderijanci iz Lüdbrega i svojemi takaj ljudmi, ogejn je pogasil; prve krivce od nepokorneh vučinil si dati i nje pred drugemi pogubiti je vučinil. Po drugeh podravskeh selah kompanjiju jednu razdelivši, koju plačati i hraniti krivci morali su, i ovak na hitrom ljuctvo ono je zpokoril. Proti ljuctvu zburkanomu preko L o n j e gospon viceban i supremus komeš zagrebečke i križevečke varmegje Januš Rauch z vnogemi plemenitemi i takaj z Turopolci i gdina biskupa, kaptoloma zagrebečkoga, familije Erdedijanske banderiumi je izešel i vu B i s a g u kaštelu postavivši se, za preteči ogejn, da vu zagorske strani i po vsem orsagu ne raširi se. Onde i onud mimo L o n j e vnoge je polovil, v

'u Zagreb poslal. Vnogem pako sud napravivši, nje poleg vučinenoga suda je Kaštiguval i strah tvrdokornem zavdavši mušku razbojnost i tolvajstvo je vugasil. Kajti pako po čineh oveh zbog občinskoga mira i zburkanja, zvan kvarov tulikeh, očivesta proti kralju i gospode nevernost od podložnikov bi bila .iskazana, zato iz pravic naredbe milostivna kraljica več komisij kraljevskeh je odlučila i poslala. Najmre zbog zburkanja generalije Varaždinske okolu Jurjeva grof marešal de Neuperg

46 kako prezes vu K a n i ž u je došel i ž njim drugi, kakoti general Beck, agent vu Beču Kaballini etc. Koji onde čuvši tak proste soldate kako druge vekše krivce smrtjum kaštigali su, drugem druge kaštige odsudili su, generaliju pomirili i, koja sudili su za ravnanje, odredili. Peter Ljubo jević i još ž njim nekoji oficeri vu vekivečnu temnicu odpeljani su. Ovum prilikum general Gvicciardi iz Koprivnice i generalije one je prenesen i ovoga namesnik postal general Beck. Med Severinom i Kapelum mesto B e 1 o v a r zvano štop, kako govore, one generalije je odebrano i ljuctvo potrebne hiše delati na B e 1 o v a r u je pričelo, Patri tulikajše p i a r i s t e iz provincije austrijanske vu M a r č u postavleni su i došli, ar nekoteri Ratci govorili su, da trpeti ne hte Grke z rimskum cirkvum zjedinane. Zato oveh biskupu Gabor Palkoviću M a r č a je vuzeta i patrom piaristam predana, koji od potle vu noj i prebivaju. Burkanje podložnikov varmegjij horvatckeh od komisije zagrebečke sugjeno bilo je. Ova z pričetka majuša došla je. Prezes bil je grof Mihalj Januš Altham,

47 Čakovca gospon vekivečni, češke kancelarije viceprezes etc. Tolnačniki njegovi g. de Millersdorff,

48 consiliarius češke kancelarije, g. mešter palatinuša i kraljevske tabule ašešor Gabor Pecsy,

49 g. mešter horvatcki Adam Najšić, kojem potle i na koncu majuša po zapovedi kraljice bil je pridan g. Januš Juršić. tabule judiciarske zagrebečke ašešor. Pisar pako rečene komisije bil je g. Laslov Bistricej, vugerske vu Beču kancelarije notariuš. Za vrednost i segurnost komisije ove, iz Krajin banskeh na Širokom polju, jeden šereg prebival je, zmed kojega vsaki dan jedno vojvodstvo ili kapitanija svojemi oficeri vu grad biskupov (vu kojem komisija je stanuvala) je dohajala i premenjala se. Sužnje prvič je posluhnula. Zato i oni, koji vu Varaždinu bili su, vu Zagreb dopeljani su. Zatem kajti sumlja občinske vseh podložnikov nevernosti bi bila vu Dvor kraljevski obznanjena i Moslovčani svoju tvrdokornost bi bili pred komisijum iskazali, za stalnost občinske složnosti zapovedano bilo je, da vsi podložniki svoje potehčice naprvo dati imaju. Koji potle svojum gospodum ali z oficeri, poleg vučinene najmre tužbe, zočiti morali su se i sebi naplaćene imali su. Spoznane po komisije krivice. Ištvan Domjanić iz Preseke, zbog držaneh z Ljubojevićem tolnačev i drugeh činov, vu Zagrebu prijet, vu nevernosti pregrehe je obtršen i vu vekivečnu temnicu obsugjen, imanje pako njegovo Preseka, po fiskusu kraljevskom, biskupu Palkoviću, imenom Z a m e n j, mesto Marče, piaristam dane, je izručeno i od njega prijeto. Vekši zburkanja krivci na smrt odsugjeni su i četiri na podravskeh stranah, četiri pako okolu Ravna obešeni, med kojemi bil je i Kušić. Drugi vnogi 46 Grof Vilim Rajnhard Neipperg (Neuperg), maršal. 47 Grof Mihajlo Ivan Althan (Altham). 48 Müllersdorf. 49 Gabrijel Pecsi, protonotar palatinov.