VJESNIK 11. (ZAGREB, 1945.)
Strana - 245
N. ŽIC, HRVATSKA KRONIKA B. A. KRČELIĆA 1749.—1762. 245 z bojem puhčeni su, vnogi na leta poleg svoje vrednosti na šancev kopanje po festingah poslani su. I ovak zagrebečka komisija peti dan septembra je se dokončala. Zbog slovenskeh ljudi zburkanja vu Verovitice bila je takaj komisija. Prezes ove od strani orsačke bil je grof Jožef Keglević, tolnačnik consiliuma locumtenencijalskoga, g. Mailath, kraljevske tabule ašešor, g. Lukas Novosel, požegške varmegje vicekomeš, od strani pako osečke generalije general Serbelloni. 50 Pisar bil je g. Ferenc Herlein, sekretar iz consiliuma locumtenencijalskoga. Ova najdulje je trpela zbog nove ljuctva onoga regulacije i postavljeneh noveh urbariumov. I kajti grof Ludovik Patačić od Zajezde, varmegje verovitičke supremus komeš, zbog svoga betega bil bi isprosil, da administrator varmegje bi se gdo postavil, gdin biskup pečuhski Juraj Klimo za administratora dan i postavlen je. Vu Karlovcu tulikajše i v mesecu juniušu bila je komisija, najmre g. Rudolf Kodeck, 51 prezes bancalitatis, g. general Serbelloni i baron Ferenc Koller, kancelarije vugerske vu Beču tolnačnik. Štimali su vnogi, da ova bi bila zbog nesloge, koju med sobum imali su general karlovečki grof Benvenutus Petazzi i oberstar Venceslav Kleffelt, ni vindar iz ovoga ishajala zroka, nego iz potehčic, koje ljuctvo imalo je iz komisije Goricije i postavleneh megj med položniki i orsagi vugerske kraljice i Benečanov. Varoš drugač vugerske korune Sejn i Senjani pod komercijalsko, kako govore, ravnanje dospeli su. Gore spomenutoga občinskoga vu horvatckom orsagu zburkanja vnogi vnoge zroke povedali su. Ali kajti komisij kraljevskih znajdenja na svetio izešla nesu, zato koteri pravdeni zrok bil je, znati ne. 19. juniuša preminul je zagrebečki prepust baron Sigmund Sinersperg po ispunjenom svoga mašničtva leta 51., kanovnije zagrebečke 44., prepustije 31. Na mesto kojega vučinjen je prepustom 16. oktobra gdin Stefan Pute, posvećeni biskup belgradski i zagrebečkoga kaptoloma lektor. Vu mesecu novembru vu Zagrebu občinsko orsaga horvatekoga bilo je spravihče. Vu kojem med drugemi kraljevskemi odlučenji tak za Moslovčane regulacija, od kraljevskoga Dvora poslana, je obznanjena, koje vindar Moslovčani prijeti nesu hoteli, kako i za druge po orsagu podložnike, potle zeštampane i po selah podložnikom razdelene. Na koncu takaj meseca decembra grof general Anton Erdoedy vu Varaždin je došel i mesto svoga gospodina oca kako vekivečnoga supremus komeša varmegjinske časnike postavil, najmre vicekomeša g. Miklouš Bedekovića, substitutum Laslova Czindery, 52 notariuša pako g. Boltizar Završki. LETO 1756. Zbog ispisanoga zburkanja pretrgnjena lani banska tabula ovo leto poleg navade vu Zagrebu po treh Kralji je se počela i držana bila je. Zbog nečemurnoga leto lajnsko mesecu novembru potresa vu Ulisipone, kraljevstva Portugalije, i po drugeh tulikaj orsageh i mestah iz kraljičine i duhovneh poglavarov zapovedi ovde vu Zagrebu po vseh redom cirkvah osebujne molitve i Božje milošče prošenja, svojemi vu vsake cirkve prodeštvi, bila su. Dapače ovde vu Zagrebu 17. i 18. dan februariuša tri puta strahoviti potres čutil se je, menši pako več krat, tak ove kako i druge dneve. Marha iliti živina, koja još lani vu vugerske zemlje je parala, i ovud po horvateke zemlje vu nekojeh mestah prepadala, ovo leto i na koncu januariuša okolu Samobora i Brdovca hametom je ginula i parala. 23. meseca januariuša vu Križevceh baron Ignaci Lalersperg, šerega križevečkoga oberstar, vumrl je. Mesto kojega šereg on i obersteriju križevečku zadobil je Mikašinović. Tristo Moslovčanov vu Zagreb došlo je, koteri znovič ponugjenu sebi regulaciju prijeti hoteli nesu. Zato da pod kraljevskum pečatjum ne bi bila, zatem zmišlene od njih nekakove pravice potrebuvali su i svoju tvrdokornost obilneje iskazali. Poslali su tulikajše vu Beč svoje posle i nekoje zmed sebe poslane, koje vu Šoprunu general Radicatti kako slobode ne imajuče i tvrdokorne je vulovil i vu Zagreb poslal, kade vu oštru temnicu postavleni bili su. Čuvši ovo Moslovčani tolnače delati i pri sv. Jurja kapele kupiti se i skup spravljati jesu pričeli i vu svoje tvrdokornosti potvrdili jesu se. 50 Grof Ivan Krstitelj Serbelloni, general. 51 Grof Rudolf Chotek. 52 Cinderi Ladislav, advocatus pauperum.
