VJESNIK 11. (ZAGREB, 1945.)
Strana - 236
236 VJESNIK HRVATSKOG DRŽAVNOG ARHIVA kapitanov, ovuliko prvešeh leitinantov, pod ovemi tuliko dani su i drugi kako i vu drugeh vsakeh regimenteh oficeri. Krajinščani da sami opravljaju se i mondur plaćaju, odlučeno bilo jest. Zmed obodveh oveh regimentov da 600 konjikov bude, napravleno je, oveh oberster vučinjen je gospon Gabor Škrlec i pod njim drugi oficeri, kojeh vseh ravnitel bil je oberster Venceslav Kleffelt. Po vučineneh i obznaneneh oveh vu marciušu spravihče orsačko bilo je, vu kojem donesen orsagu diploma je izručen. Iz kojega videti med drugemi bilo je, da ban horvatcki spomenuteh noveh šeregov vekivečni ladavec je. I kajti za plaču poleg časti vsakoga vu ovom spravihču odredgjenu skrbeti je bilo, zato novi popis i ovoga način bil je odlučen i g. Januš Bužan 10 kako novi orsaga pagadur vu Beč poslan, da dokončana banu obznani i z Komorum za odlučenu stran isplačanja soldatov pogodi se. Postavleni novi Šeregov oficeri vu orsačkeh hišah, kako govore, soldačke mustre, vučili se jesu od poslanoga iz regimenta Molk gna Anton Setwitz. 11 Za stalni pako ali vekivečni logor g. Kleffelt potrebuval je ali zagrebečkoga ali med Lekenikom, Dužicum in Gredum polja odlučili su, kaj ne moguč dobiti, priliku dobil je za Petrinu opravljati i nju za nove ove šerege prositi. Komaj gore napisana zvršena su, da vre zapoved došla je, da za 20. dan dojdučega majuša 2000 soldatov iz noveh oveh šeregov ima se na ptujsko polje postaviti z drugemi regimenti vu kampament, kade i cesar i Dvor kraljevski budu. Drugu nedelju po Vuzmu dojduču 12. aprilisa gdin biskup bosanski Ferenc Thauszy po biskupu zagrebečkom posvećen je i poleg bili su biskup Petine 12 fra Bonifacius, koji z dopuhčenjem potle odhajajuč Sv. Lenarda pod Okičem fratersku cirkvu je posveti!, i biskup senski Wolffgang Čolić, 13 koji takaj z dopuhčenjem fratersku vu Jastrebarskom je posvetu. Na sam Vuzem ovoga leta kanovniki stolne zagrebečke cirkve poleg dopuhčenja i privilegiumov kvadratuše višnovate nositi počeli su. Potok tulikaj Medvednica 14 velik potop i kvar je vučinil i hiše kovača Vranića na Manduševcu porušil i onud dole med grabe put si napravu i dugo vremena imal. Biskup zagrebečki na strani varaždinske je odišel i z bratom svojem Antonom Klobušicki 15 i onde čakal je, doklam vu Ptuj iti bilo mu je. Vu koje vreme tak onde vu Varaždinu vnogo jezer ljudi je bermal i opatičku cirkvu posvetil, kako i vu Čakovcu, gde fratersku cirkvu je svetil i vnožinu bermal. Vu Zagrebu med Ciglenicami 16 deset dan prvo, nego vu ptujski kampament bili bi išli, oni, koji odlučeni soldati bili su, privučali su se pokornosti i regule soldatčke. Oberster glinski baron Štefan Patačić zadoblen svoj regiment je izručil na koncu majuša ufajući se poleg obećanja kai višega zadobiti i komisariju orsačku krajinsku je prijel. General tulikaj Marquier iz Križevec i Varaždinske generalije vu juniušu prenesen je vu korušku zemlju. I potle oni šeregi od svojeh oberstarov samo bili su ravnani. Od 20. majuša na polju ptujskom bil je soldački campagmentum, gde vu logoru pet bilo je regimentov, najmre hercega Hildspurghavsen, Molk, Scheill. Taicsmaister, Forgach i iz Banskeh krajin soldatov 2000, koje ravnal je Kleffelt, vučil vu soldatctvu Setwitz. Bili su onde vnogo generalov, oficerov, gospode štajerske, kranske, koruške, horvateke, vugerske. Dan 4. juliuša okol pete po poldan vure cesar Franciscus I., kraljica Maria Theresia, herceg Karol, brat cesarov, ban horvatcki Karol Bathyani 17 i drugi vnogi došli su vu Ptuj varoš i onde vu gradu grofa Lesle nastanjeni. Drugi dan vu logor išli su, kade sami regimenti svoj exercitium iliti navuk iskazali su. 6. dan juliuša odregjen bil je za same Horvate i onde meša popevana bila je po biskupu zagrebečkom; po ove blagoslov zastav noveh horvatekeh, zatem prisega vernosti i pokornosti. Zbog neizgovorno velike plohe ov dan exercitium svoj Horvati nesu mogli iskazati, nego vu jutro 7. dan juliuša, kojega na vseh zadovolščinu vučinili su 10 Ivan Bužan, tabulae banalis assessor, consiliarius S. M., exactor regni. 11 Antun Zedwitz (Settwicz). 12 Petina, Pedena, Pićan u Istri. 13 Barun Vuk Juraj Čolić. 14 Medvednica ili Medvenšćica vulgo Krvavi potok. 15 Barun Anton Klobušicki (stariji), comitatus Zempliniensi , administrator. 16 Polje kod Zagreba. 17 Grof Karlo Batthyany, ban Hrvatske.
