VJESNIK 11. (ZAGREB, 1945.)
Strana - 237
N. ŽIC, HRVATSKA KRONIKA B. A. KRČELIĆA 1749.—1762. 237 i bili pohvaleni i daruvani. Dvor kraljevski iz logora taki čez Gradec je se povrnul, regimenti pako i z horvackemi vojniki do dneva 20. juliuša onde ostali su. Grof Karol Batthvani, ban horvatcki, zadržal je se vu Ptuju i onde z gospodum horvatckum konferenciju, kak velimo, držal dan 9. juliuša. Mesto oberstara Štefan Patačića glinski oberster onde vučinjen je bratič banov, grof najmre Adam de Batthyan, koji vindar vu decembru stoprav vu Zagreb i potle vu Krajine je došel. Oberstar takaj kostanički g. Juraj Pogledić svoj šereg je dobrovolno (pod zadrženje nekaj iz plače, doklam živ bude) zručil i ovoga zadobil je oberstar Venceslav Kleffelt. Vu mesecu augustušu Dvor kraljevski vu Moraviju za videti onde spravleni soldački kampament je išel. General pako Wön 18 čez Zagreb vu Petrinu došel je za videti, kaj moglo bi zapačiti, da novem ovem banskem šeregom ne bi se morala ali imala izručiti Petrina. Buduči po nove ove regulacije prveše krajinske navade i ravnanja načini zatrgneni i videči ljuctvo, da za mondure izplačuvanje popisavaju se vu Krajinah zemlje i grunti njihovi, svoje ablegate vu Beč je poslalo, koji odonud pod stražum jesu vu Zagreb poslani i vu temnicu postavleni. Oberstar Kleffelt i auditor Ferenc Kušević, oberstleitinanta tituluš imajući, vu poslu Krajin du'je vu Beču zadržavali su se i na koncu ovoga leta povrnuli, dan 29. decembra prez drugeh orsačanov soldatčko spravihče zoseb pri grofu locumtenensu imali su. Ovo leto izdignena je vu Goricije 19 eršekija pod imenom namesnika prvič apo-: stolskoga iliti vicariatus apostolici i obznanjeno susedom biskupom, da vsa ona mesta, koje prvo pod patrijarku Akvileje vu duhovneh spadala su, da eršegu Goricije podvržena su, i ov mest oneh pravi je biskup. Zato .da za takovoga imaju ga znati, njegva dopuhčenja za pravdena prijemati i da ov je grof Karol Mihalj od Atthems. 20 Strahovit i velikoga kvara potres ovo leto vu mesecu novembru, decembru i na drugo leto bil je vu R e k e pri morju, koji potres i ovud čutil se je, osebujno pako 27. i 30. dan novembra, da od njega i znamenja vu vnogeh hišah i mestah videla su se. 21. decembra vdova cesarica pokojnoga Karola VI., mati naše kraljice, imenom Elizabet vu Beču preminula je. Ovo leto z oštrum zimum je se pričelo i dokončalo. Prirod sredni bil je, ali osebujna vina. Povodnji dosta, dosta i burkanja, navlastito vu Italije i vu Bononije, kako odonud jesu pisali. LETO 1751. Razglašeno . je taki z pričetka leta občinsko vse vugerske korune vu Po žun u spravihče iliti d i e t a za dan 18. meseca apriliša. Grof glinski oberster (A. Batthyan!) tabule tulikaj banske ašešor vučinjen je. Vu R e k e potresi strahoviti još bili su. Vu mesecu februariušu zapali su veliki snegi, da zbog oveh niti pošte dulje vremena mogle su dojti. Dan 26. februariuša pričeti bilo bi se moralo vu Zagrebu orsačko spravihče; kajti pako zbog velikeh snegov zvunska gospoda ne bi bila mogla dojti, zato stoprav prvi dan marciuša je se počelo. Trpelo je zbog vnogeh poslov do 26. dan marciuša. Med vnogemi drugemi duguvanji vu dietu od strani orsaga odlučeni bili su gpon tabule judiciarske prezes Boltizar Magdalenić 21 vu tabulu, kak govore, prvešu, vu drugu pako i med poglavite, zvun horvatckoga meštra Adam Najšića, gospon Jožef Magdić, tabule judiciarske ašešor, i g. Jožef Raffay, 22 zagrebečke varmegje vicekomeš, koteri malo prvo iz Senja bil se povrnul, kade kako komisar kraljevski celo lajnsko leto bil je. Zmed gospode horvateke vnogi hoteli su, da vojnički Banske krajine šeregi svoga zoseb penez-komisara ne bi imali, oficeri pako šeregov i z ovemi nekoji zmed gospode, da ga imaju, hoteli su, i zbog razlučenja vu štimanju dokončano vu ovom spravihču ne bilo duguvanje. 24. dan marciuša vu Požunu grof Januš Palffi 23 , vugerske zemlje palatinuš i kraljevski namesnik, z drugemi tulikaj osebujnemi odičen častmi, vu velike svojeh let starosti preminul je. Ov prvo 30 let banom bil je horvatčkem. Od'činov svojeh 18 ili Woön de (?) 19 Gorica (na Soči). 20 Grof Karlo Attems (Attymis), apostolski vikar u Gorici i biskup u Ljubljani. 21 Magdalenić barun Baltazar (mladi). 22 Rafaj. 23 Pallfy, nekada ban.
