VJESNIK 11. (ZAGREB, 1945.)
Strana - 235
N. ŽIC, HRVATSKA KRONIKA B. A. KRČELIĆA 1749.—1762. 235 varoš imali bi ali imati mogli, zakaj kako od negda prvo dva varoši vsaki svoj imajući magistratuš ali nadalje ostaviti bi se morali ali skup sklopiti i jeden varoš vučiniti, poleg tulikeh artikulušev kakvem načinom imaju se. Petrinju grad, pod Varaždinsku generaliju ladanu, još od leta 1736. herceg Hildspurghavsen bil je zapustil. Leto ovo general Marquier 5 poslal je nuter kapitana Janka Habianec, koji onde jednu, kako velimo, kompanjiju iliti vojvodstvo je podigel, da drugač kako zapuhčena pod Krajine banske ne bi dospela. Oberstleitinant Venceslav Kleffelt, 6 vu Banske krajine iz Beča poslan, takaj je došel i vu Zagrebu nastanu se, za Krajine banske takaj vu red postaviti. 8. dan juliuša vu Križovljanu poleg Varaždina vumrl je biskup bosanski Peter Bačić, ozivan drugač Bakić 7 , kojega vu biskupije namesnik od kralice vu Beču 6. augustuša imenuvan je g. Ferenc Thauszy, kanonik zagrebečki i jasprist gorički iliti stran karlovečkeh. Vumrl je ovo leto takaj baron Trenck, kojega imanja slavonska Komora prijela je. Gosp. biskup zagrebečki ovo leto Stol duhovni takaj je podigel i novoga vikariuša skupa i duhovneh previgjejn suca postavil Wolffganga Kukuljevića, asesora tabule judiciarske i kanovnika opata sv. Helene de Podborje, i ovomu šest pridal tolnačnikov, notariuša, fiskusa i potrebna naredil. 15. dan septembra občinsko horvatckoga orsaga spravihče je se počelo, vu kojem zvan banskoga locumtenensa i vnogo gospode biskup takaj senski i bosanski bili su. Vu ovom spravihču vnoga ter velika bila su, osebujno odkud i kak Banskeh krajin buduči časniki (poklakam vre regulacije prijimanje bi bilo kraljevskomu dvoru obznaneno) naplačali budu se. Na kojeh isplačuvanje najmenje 40 jezer bi se potrebuvalo. Vu kojem zajdnič poslu od strani orsaga poslani vu Dvor kraljevski bili su grof Krištof Oršić, viceban Januš Rauch i ašešor tabule judiciarske Jozef Magdić, od strani pako zagrebečke stolne cirkve i ljudi nejneh sam vu glave gdin biskup i kanovniki dva, najmre Volffgang Kukuljević i Boltizar Krčelić, koji više od treh mesec vu Beču bili su. 16. dan oktobra vumrl je grof Peter Keglević let svojeh 27, kojega čast iliti požegške varmegje supremuš-komešija grofu Ludovik Erdoedi, banskomu locumtenensu, dana od Dvora je. Vu Beču 22. dan oktobra eršeg bečki i kardinal Sigmund Kolonie, spunivši 50 let po meše svoje prve, pred Dvorom kraljevskem i biskupi skoro vsemi vugerske zemlje ove obslužavanje imal i obslužil je. Ovo leto vu horvateke zemlje puti občinski od Karlovca i pri Zagrebu naprav1 jati pričeli su. LETA 1750. Još na koncu lanskoga leta razglašeno vu Rimu sveto, kak velimo, leto iliti jubilaeum Benedikt XIV. ovoga imena, rimski papa, onde obslužaval je. Na koncu meseca januariuša iz Beča gore spomenuti orsački ablegati povrnuli su. se i orsagu dan od kralice Marije Terezije diploma donesli, zbog česa občinsko orsaga spravihče taki po banske tabule za mesec marciuš bilo je obznaneno. Ovoga vojnički stališ, ne hotejuči čakati vu februariušu Banskeh krajin novu regulaciju, vu Zagrebu i orsačkeh hišah mogučnum pompum i veseljem je obznanu i razglasil pred grofom locumtenensom, generalom Petazzi i vekšinum horvateke gospode, najmre da vu rečeneh Krajinah budu dva šeregi, prvi g 1 i n s k i, drugi kostanički. Glinskoga šerega oberstar vučinjen je baron Stefan Pata č i ć, oberstleitinant g. Boltizar Bušići skup zrinski komendant, o b e r s tvohmeŠtri g. Wolffgang Jelačić i gospon Mikula Grlečić, 8 skup i granaterski komendant. I ovomu šeregu zlata oficerom, prostem žuta žnora za razlučavanja znamenje dana su. Kostaničkoga pako šerega oberstar vučinjen je g. Juraj Pogledi ć, oberstleitinanti grof Krištof Oršić, skupa i jesenovečki komendant, baron Adam Patačić, kanovnik zagrebački i jastprist gorički, skupa i komendant dubički (ar vu rečenoj D u b i c e da vsegdar jeden zmed kanovnikov bude i častjum oberstleitinanta dokončano je), oberstwohmester g. Laslov Plepelić, 9 koji šereg srebrnu žnoru za oficere, belu za proste vojnike dobil je. Ovem šeregom svojeh 18 5 Grof Ivan Sigismund Maquire (Marquier), križevački general. 6 Većeslav Kleefeld (Kleffert). 7 Petar Bakić ili Bačić de Lâk. 8 Nikola Fridrik Grličić (Grlečić, Gerleczi). 9 Ladislav Plepelić, supremus vigiliarum praefectus.
