VJESNIK 5. (ZAGREB, 1931.)
Strana - 108
108 Da zadriich od prichetka do koncza rechene insurectie vu szoldachkom exercitiumu buduchi nikakvoga excessussa vuchinili neszu, dapache z onem kak sze jednoga isztinszkoga szerca szoldata dosztoji, postenyem i chednostjum szebe zadersavajuch preposztavlyenem szvojem poglavarom dusnu pokornoszt zevszema skazati terszili sze jeszu, prikladnoszti i preporuchenya vredne buduche nyhove szuprot kralyu y domovine vernoszti ochiveszto znamenye od szebe dajuchi. Zverhu chesza za buduche tak szpomenute privilegirane obchine Czvetkovich vu jedinoszti, kak takaj sse i nyeinem gore imenuvaneh insurgentov vszebito preporuchenye od nass z lasztovitemi rukami podpiszan i navadnemi pechatmi podpechachen attestât na potrebuvanye prenapiszane obchine van dali jeszmo. Signatum Zagrabiae, die expeditionis 6. maii, 1811. Joanes Trumbetass, Michael Vitkovich, lojtinant. Hauptmon. Original na papiru, kod svakog potpisa pritisnut je pečat. U arkivu općine Cvetkovići. 241. 1801. 6. maja. U Zagrebu. Zapovjednici ustaške čete izdaju ustašama Cvetkovićanima svjedodžbu. Mi zdola podpiszani z ovim atestattom poleg dusnoszti chasti nasse szvedochimo i isztinsko valujemo najmre: da privilegirana obchina Czvitkowich poleg previszoke kralyevszke naredbe letta pressesztnoga 1800. dana 1. meszecza decembra od kotara szvojega dvadeszet i chetiri insurgente mlade najmre i jake, ter za szoldachku szlusbu kruto prikladne lyudi za obrambu preszvetle hise Austrianszke i odvetneh orszagov odredila, ter, takove po navadi sztarinszkoj vu Turopolye poszlala i szlavnoj Compagnie isztoga plemenitoga Turopolya izruchila, ter ondi od prenapiszanoga 1. decembra 1800. do 8 januara letta szada tekuchega 1801. illiti nyhovoga iz Zagreba vu vugarszku varmegyu szaladinszku odssesztka prez vszakoga aerarialszkoga ali varmegynszkoga terha ob szvojem lasztovitom sztrosku zdersavala i potrebnu hranu vu Turopolye, gde szu najmre szoldachkomu sztalissu potrebnu exercitium i regule vuchili sze, possilyali, ne drugach:
