VJESNIK 5. (ZAGREB, 1931.)
Strana - 109
iszte insurgente szvoje z mondurom illiti szpodobnum turopolyszke compagnie opravum szoldachkom, orusjem, tho jeszt szablyami, musskettami i osztalemi szoldatom vu tabor odhajajuchem potrebnemi dugovany obszkerbela, dapache: nym za bolsse vu vezdassnyeh drasine vremenah zdersavanya zverhu navadne szoldachke porczie rainchkov chetiri szto i oszemdeszet vu szpomenutoj varmegye szaladinszke cantonerajuchem poszlala, da takaisse: prenapiszani insurgenti od pochetka szkup szpravlyene plemenite turopolyszke compagnie tak vu Turovom polyu i szaladinszkoj varmegye kak takaisse vu Austrie pri Novom Mesztu Bechkom buduchi, verno, possteno, reguli i zapovedi militarszki szpodobno vu vsze podlosnoszti presz vszakoga najmenssega excessussa i kakove krivnye na peldu szebe zadersavali i zatho nijeden zmed takoveh czelo ovo vreme do razpuschenya insurectie nikakvoga ressta ali druge kakove kastige podneszel, menye takovu zasjlusil bi bil, da zadnich: vu exercicziumu i osztaleh drugeh szoldachkeh regul navuku dober napredek, oszebujnu i oszigde hvale vrednu marlivoszt zkazali, ter ovak na vszaku previszoku kralyevszku szoldachku szlusbu zevszum volyum i dusnem proti szvomu kralyu nagnenyu, kak sze najmre jednoga vernoga i poštenoga szercza szoldata dosztoje, szebe priklane vuchinili, dapache szvoju pri orusju i militarszkeh dusnosztih znanyn vmetelnoszt pri Bechkom Novom Mesztu vu nazočni bitju szvoje czerzarske i kralyevszko-apostolszke szvetloszti vu pripechenyu dalnye tabora potreboche poleg previszoke kralyevszke zapovedi za orusje z veszelem szerczem zdichi i z regularnemi szoldati szuprot neprijatelu vojovati prikladne szuditi sze jeszu mogli. Zverhu chesza za buduche gore szpomenute priviligirane obchine Czvetkovich vu jedinoszti kak takaisse nye insurgentov oszebito preporuchenye od nass z lasztovitemi rukami nassemi podpiszan i navadnemi pechatmi zapechachen attestât van dali jeszmo. Vu Zagrebu, 6. majussa, letta 1801. Joanes Trumbetass, I. Chunchich, lajtinant, leutinant. Friderik v. Millossich, Michael Vitkovich, oberleutinant. Hauptman. Original na papiru. Kod svakoga potpisa je pritisnut pečat. U arkivu općine Cvetkovići.
