VJESNIK 3. (ZAGREB, 1928.)
Strana - 192
192 alteram medietatem in festo beati Martini confessoris persolvere debebunt. Quorum trium florenorum unum per integrum quattriennium eisdem duximus relaxandum. Itaque durante ipso quattriennio et singulis predictis sessionibus singulis duobus florensis contentari velint et debeant. Quo elapso ipsorum trium florenorum solutio eontinuari debebit. Si autem quo infortunio senecta vel egritudine aliquem ex civibus depauperrari contigerit, ita ut vel fundum suum vendere, vel terras aut fenilia impignorare cogeretur, extunc is qui predicta edificia, terras et fenilia ad se recipere voluerit, talis de solutionibus, muneribus et servitiis ex ilia sessione nobis fiendis curam gerere et nos indemnes reddere debebit et tenebitur. Si autem quispiam de civibus non ex predictis causis, sed propter desidiam et pigriciam atque prodigalitatem se pauper reddiderit, edificia et domus vel desolutas conservaverit vel preparatas desolaverit, extunc talium domus et sessiones ab eisdem recipi et edificanti ac ipsum oppidum decoranti ipsi cives cum castellanis nostris dare et conferre valeant atque possint, Admisimus preterea, ut ex parte quarumvis malefactorum una cum castellanis predicti castri nostri Wynnycze omne debitum et oportunum judicium facere, malefactoresque ipsos juxta ipsorum démérita punire possint et valeant. Res tarnen et hereditates ipsorum judicialiter convinctorum et punitorum in eos solummodo condescendi et redundari debebunt. Annuimus preterea, ut nemo ex nostris cuiuscunque status et ordinis hominibus seu servitoribus vel colonibus nostris artificibus seu quibusvis laboratoribus vel in medio ipsorum commorantibus vel ex aliis partibus res et artificia ipsorum in ipsum oppidum deferentibus quippiam damni seu impedimenti infère et irrogare audeant. Contrarium autem facientes per predictos castellanos et judicem predicti oppidi nostri débita pena puniri debeant. Nos igitur humillimis predictorum civium nostrorum peticionibus benigne inclimati, prescriptas eorundem civium nostrorum supplicaciones in omni parte admittentes prerogativas libertates eorundem pro rato et grato habentes, easdem eisdem perpetuo valituras confirmamus, approbamus et ratificamus, novasque exemptiones et relevamina damus, annuimus et concedimus, per nos et posteros ac universos officiales nostros firmiter et inviolabiliter observare et observari facere volumus, harum nostrarum litterarum sigillo nostro impendenti consignatarum vigore et testimonio mediante. Datum ex castro nostro prefato Wynnycza, m festo Epiphaniarum domini anno eiusdem millesimo quingentesimo tricesimo secundo. Original na pergameni, spoda visi o svilenoj vrpci crveno-modre boje mali pečat. Prije kod općine viničke, sada u muzeju grada Varaždina.
