VJESNIK 2. (ZAGREB, 1926.)

Strana - 66

Original na papiru. U kr. drž. arhivu u; Zagrebu: Deposit. Arch, capit. Zagrab. Series irregestrata. 30. 1490. 30. juna. U Zagrebu. Pred kaptolom zagrebačkim prosvjeduju Cvetkovićani protiv posvajanja sela Čabdina i Cvetkovića po Jastrebarčanima. Nos capitulum ecclesie Zagrabiensis memorie commendamus per présentes, quod Gwrko Pawlekowych, Simon Balsych dicti de Czwethkowych in sua ac aliorum vniuersorum fratrum et consanguineorum suorum de progenie Czwethkowych existentes, quos infrascriptum concernit negocium personis nostram personaliter venientes in presenciam, per modum protestacionis et inhibicionis nobis significare curarunt in hunc modum, quomodo, prout ipsi protestantes percepissent superioribus diebus proxime retroactis Petrus ryhtardus de Jaztrebarzka et alii ciues in eadem Jaztrebarzka commorantes, nescitur quibus moti respectibus, quandam villam iobagionalem eorundem protestancium Chebdyn vocatam, in comitatu Zagrabiensi existentem habitam, eosdem protestantes de iure concernentem cum pertinenciis eiusdem ville ac alterius Czwethkowych predicte sibi ipsis minus iuste et indebite ac prêter omnem viam iuris vsurpare et occupare vellent et niterentur, seu iam de facto vsurpassent et occupassent in preiudicium iuriumque derogamen et dampnum ipsorum protestancium valde magnum. Vnde facta huiusmodi protestacione annotati Gwrko et Simon suo ac aliorum quorum supra nominibus et in personis memoratum Petrum ryhtardum ac cunctos ciues in iamfata Jaztrebarzka commorantes, et alios vniuersos et quoslibet cuiusuis status et condicionis homines ab huiusmodi indebita vsurpacione occupacioneque et conseruacione predicte ville Chebdyn, pertinenciarumque eiusdem ac predicte ville Czwethkowych vniuersarum ad easdem spectancium et pertinere debencium, iuri dictorum protestancium stare debencium, seque ipsos quouis quesito colore in dominium earundem intromissione et sibipsis appropriacione et statui faccione, vsuumque fructuum et quarumlibet vtilitatum ex eisdem percepcione aut percipi faccione, factis quoquo modo vel fiendis prohibuerunt contradicendo et contradixerunt inhibendo publice et manifeste coram nobis testimonio presencium mediante. Datum feria quarta proxima post festum beatorum Petri et Pauli apostolorum, anno domini millesimo quadringentesimo nonagesimo. Prijepis zagreb. kaptola od 30. marta 1540. U arhivu općine Cvetkovići.