ARHIVSKI VJESNIK 28. (ZAGREB, 1986.)

Strana - 24

Winfried Schulze, Novi izvori za povijest slavonske seljačke bune 1573. Arhivski vjesnik, 28/1985. str. 7-44. ich dann auch dise mein glaubwürdige antwurdt zugeben nit undterlassen sollen, unnd zaige dem herrn erstlichen an, das sich der rebellischen paurn, ein grosse anzall versamblet, unnd wie man gesagt, in die sechzehen tausend starkh gewest unnd in fünf hauffen getaut. Der erste sich auf Rain unnd Gurkhfeldt begeben, demselben herr Jobst Joseph vom Thurn unnd haubtman von Winhisch, Daniel Laser, der auch aida vor Gurkfeldt erschossen worden, mit etlich hundert uskoggen sechzig lanndtpferd strackhs undter äugen zogen, mit den zimblicher massen gescharmitzlt, die sachen mit ernst soweit bracht, das sich die rebellischen in die flucht unnd den flecken Gurckfeldt begeben, sich aida verspördt, unnd häfftig geweret. Als man aber innen nichts abgewinnen khünnen, haben sich die uskoggen bedacht unnd haben dem einfall von weingebürg in den fleckhen gethan. Volgendt die rebellischen übereilt mit innen des bessten gespildt. Nun haben sich derselben ein grosse anzall in vier häuser, zu nechst by dem Thor begeben, sich daraus häfftig gewörth, als das die uskoggen die ander gestalt nit heraus mügen bringen oder erobern, allein das sy die gemelten vier häuser gefeürt, die also zum thaill ir endt irem fürhaben schiessen müssen, die anderen all nidergehaut. Gleichwoll ist ein grosse anzall in das wasser Saw gejagt worden, dieselben all ersoffen unnd wie die uskoggen des haubtmanns Laser todt erinnerdt, sich verner nit abhalten lassen sonder alsbald die ganntz stat ausser vier hüuser geplindert, unnd wie ich vernumen, vill bürger auch weiber unnd khinder in grimmen niedergehaut unnd ein wüest wesen verfüert. Item so ist gemelter herr von Thum alsbald nach geschehnen scharmitzl den andern hauffen auf Sawabar zuezogen. Wie ich verstanden, soll er den auch geschlagen haben. Dann so hat sich der dritte hauff undter Okitsch unnd Jastraweschkho gesamblet, welcher den windischen edlleutten all ire höf verhört, verderbt unnd verprendt, haben sich die umbliegenden adlspersonnen in der spanschafft zimblicher massen versamblet, unnd ire höf an innen gerochtn, die bis auf das haubt niedergehaut unnd erlegt. Der vierte hauff hat sich auf Künigsperg, Peillenstein Manpreis kloster, Geirach begeben, unnd ir fürnemen auf Tifer, Cilly gehabt. Als sy aber geen Geirach ankhommen, haben sy erfaren, das der hauff zu Gurckhfeld geschlagen worden, ist der schreckhen undter sy khomen unnd alsbald iren abzug zu rugkh auf Peillenstein. Jezo nechsten zwey tags genomen, doch in albegen des fürnemens Peilleins tain, unnd meinen sitz von Steyr aufzustirmen unnd zue erobern. Als sy aber des stirmen aus verhengnus gottes unterlassen, sein sy sambstag ohne sorg unnd ainiche forcht im schwelgen unnd sauf fen zu Peillenstein verbliben. Unnd weill ich das aufpoth im viertel Cilly geen lassen, ist in der eil niemandts als Georg Schrottenpach, Erasm Tumperger, Hanns unnd Seifried von Dietrichstain, Sigimund von Altenhaus ungeverlichen mit 25 pferdten khumen, darzu mein vetter Tobias S tras s er mit neun pferd24