ARHIVSKI VJESNIK 28. (ZAGREB, 1986.)

Strana - 11

Winfried Schulze, Novi izvori za povijest slavonske seljačke bune 1573. Arhivski vjesnik, 23/1985. str. 7—44. ' Br. 1 1573, veljača, 8. Graz Nadvojvoda Karlo moli bavarskog nadvojvodu Albrechta da mu pruži hitnu pomoć u vojsci i novcu, jer su se pobunili seljaci protiv velikaša Franje Tahyja. Broj se pobunjenika s 10.000 povećao na 16.000. Postoji opasnost da se buna naglo proširi u ostale krajeve. Hochgeboraner fürst. Unnser freundlich diennst und was wir sunnst liebs und guets vermügen zuvor, freundlicher lieber vetter unnd vatter. Wir khünden E. L. hiemit freundlichen nit verhalten, wie etwa noch vor disem die zu der herrschafft Sossed, in Windisch lannd gelegen gehörige unnderthanen der vilveltigen beschwärungen unnd betrangnusen willen, so inen durch Franzen Tähi als berürter herrschafft maisten innhaber ain zeit hero zuegefüegt, sich zu ainem algemainen aufstannd begeben, ine Tähi ain zeitlanng in berürtem schloss Sossed belegert, unnd obschon Ir Khay. Mt. mit hineinfertigung irer commissarien unnd also allenthalben das jenig, so sy zu Stillung berürter unnderthanen thuen zu sein erachtet, gnedigist gebraucht und fürgenumben. So ist es doch alles nit allain one frucht abgeloffen, sonnder sy die paurn von tag zu tag ye lenger ye schwieriger worden, auch entlich die sach dahin geratten, das sy ire benachtparten in disem unnserem fürstenthumb Steyr, also auch in Crain, mit allerlay diennstlichen persuasionen an sich gehennckt unnd lestlich die, so sich dessen verwidert, mit gewald zu inen genöttiget, auch zu ainem schreckhen unnd ab scheuch iren vill, die sich aus erinnderung schuldiger gebür unnd gehorsambs zu inen nit begeben und schlagen wellen, gestrackhs nidergehauen. Also das sy numahlen, wie unns die khundschafften unnd zeittungen täglich unnd stündlichen einkhomen, allenthalben in die zehentausent starckh unnd mehr, wie dann etliche furgeben, sich ir anzall biß in die sechzehentausent erstreckhen solle. Nun ist nit zu gedennckhen, das sy von irem rebellischen furnemben numer selbs guetwillig absteen oder sich ainiche güetliche hanndlung oder persuasion dahin bewegen lassen werden, weill sy sich alberait dermassen so thät- unnd feindlich erzaigt, das sy sich schon umb etliche stet und Schlösser angenumben unnd sonnderlich viller edeleuth heuser der ennden in unnserer graffschafft Cilli dermassen umblegert, das in oder aus denselben niemands khumen mag. Alles auf disen vortl, entzwischen die übrige paurschafft hervon auf dem lanndt auch zu sich zu bringen unnd zu nöttigen, volgends dort unnd da etwo was von geschüz unnd munition zusamben zu bringen unnd sich hinnach umb ermelte stet unnd Schlösser mit mehrerm gewald unnd ernstlicher belegerung anzunemben. Also das wir aus getrungener noth nit umbgeen khünden, die aufpot der lanndrüsstungen zu ross in allen dreyen unnserer fürstenthumben alhie in Steyr, Khärnndten unnd Crain ergeen, also auch umb ain anzall fuessvolck umbschlagen zu lassen, mit denen wir 11