ARHIVSKI VJESNIK 28. (ZAGREB, 1986.)

Strana - 12

Winfried Schulze, Novi izvori za povijest slavonske seljačke bune 1573. Arhivski vjesnik, 28/1985. str. 7—44. vermitls gütlicher gnaden in wenig tagen aufzukhumben unnd volgends nach gelegenhait der Sachen den ernst gegen inen den rebellischen paurn scheinen unnd furkheern zu lassen gedennckhen. Unnd ob wir gleichwol zu Gott verhoffen, inen damit starckh unnd mechtig genueg zu sein, zudem Ir Khay. Mt. auf unnser berait an sy gelanngtes gehorsambes begern, hiebey auch one zweifei zusprenngen unnd das irig thuen werden. Weill aber dannocht von nötten, alle uberflüssige sicherhait beyseits zu stellen unnd in omnem eventum solche furarbait zu thuen, da etwo das widerig unnd ain unverhofften außganng ervolgte, das man ain merern zusaz haben unnd sy die paurn entlich dempffen unnd stillen müge, wie dann sich gewislichen nichts annders zu befahren, als da sy noch mer uberhannd nemben unnd inen nit zeitlich gewehrt, dises feuer sich weiter entzünden unnd ain gemainer durchaus geender paurnpund ervolgen wurde, so haben wir derwegen E. L. der Sachen gelegenhait hiemit freunndlich eröffnen unnd sy daneben gannz sönlich unnd diennstlich bitten wellen, das sy an yezo alßbald unnd one Verzug alle Sachen dermassen zur furarbait richten unnd solche bestellung furnemen wellen, damit da es ye die not erfordern unnd sy darunder von unns ferner ersucht wurden, sy unns gestrackhs mit ainer anzall wolbewehrtes kriegsvolckh zu fuess, also auch etlichen tauglichen verstenndigen unnd geüebten bevelchsleuthen unnd ferner mit furleihung auf ain zeitlanng ainer summa gelts. Weill E. L. zu erachten, unns dessen nit ain geringes auflauffen unnd also dise kriegs rüstung ain merckhlichen uncossten bedürffen würdet, zu hilff erscheinen mügen. Dann sovil obbegerte volckhhilff belanngt, nach erwegung aller umbstenndt, nit allain khain ainiger diennstman von den granizen hinweckh unnd hieher zu nemben, sonnder es wierd auch villeicht von nötten thuen, gedachte gränizer merers zu sterckhen, seienmal sich gräslich zu befaren, das etwo unnder disem gesträpl die türggen heraus fallen, ir haill versuchen unnd sich villeicht gar zu den rebellischen paurn schlagen wurden wellen. Zudem sich auf das hielenndisch volckh, deren wir unns nun sonnsten ain zimbliche grosse anzall zusamben zu bringen getrösteten, bey der Sachen yezigen gelegenhait khains wegs zu verlassen oder inen zuvil zu trauen sein will. Darumben wir dann unns umb dieselben an andern orthen zu bewerben ursach gewunnen. Gewartten also hierüber bey disem unserm aignen curier E. L. ehisten und fürderlichen anntwort. Neben dem wir in khainen zweifei stellen, sy werden aus obsteendem exempl numehr selbs bedacht sein, da sich etwo in irem lannde ober ainniche, ja auch die wenigiste paurn versamblung begeben wolte, sy alsbald mit ernst abzustellen unnd zu wehren. Dann aus vorfürgeloffner schedlicher erfarung khan die pesste und gewarsamiste fursüchtigkhait nit allain nit schaden, sonnder sy will auch unvermeidenlich von nötten sein. Unnd was unnd E. L. hierinnen zu vätterlichem beystannd, hilff unnd freundschafft erzaigen, das sein wir umb sy in gleichen unnd mehrerm zu 12