ARHIVSKI VJESNIK 19-20. (ZAGREB, 1976-1977.)

Strana - 226

personis colonorum licentiatorum vicl^tionem Articuli ursisset et proposuisset tentassetque ipsos Capitulares multiplicatis singularibus in violatione Articuli convinci. Ideo dicunt se nullam ulteriorem causam super licentiatione iudicialiter definita cum domino Comité habere, sed pro intentata noviter definita causa eundem in poena calumniae convinci postulaverant. Procurator domini Actoris dicit hic de consultoribus quorumvis colonorum dominorum Capitularium non agi, sed de processu litigionario pendulo sub prohibitione, cuius onus legitime depositum domina Capitulares percepissent neque deliberatio Regni super aliis defectibus subditorum eorum dominorum In causam attractorum haec trahi possit, quandoquidem non sit de essentia licentiationis et licentiatio diversa sit a repetitione. Coloni etenim secundum sessiones illorum singuli iuxta Décréta Regni licentiari consueverunt repetito eorum et quidem plurium uno eodemque contextu et processu fieri et celebrari potest et consuevit, quod et in hac causa iudicialiter factum est. Neque per ipsos dominos Capitulum unquam impugnatum ut patet ex processu. Coniunctim enim et non divisim seu singulariter dominus Comes eosdem licentiatos colonos sibi dari iudicialiter postulasset diversaque essent acta comitatus a deliberationibus Regni, quae processum iuridicum nec sustulerunt nec prohibuisse potuerunt. Probam itaque iudicialiter deliberatam iuxta factam oblationem in pendula sub prohibita causa acceptari petunt. Sed in supplementum si forte iuri congruum et necessarium videbitur etiam processu ipso probari parati erunt. Capitulares cum eadem qua supra protestatione priorem repetunt et dicunt exempla aliqua vel testes aliquos, ullos esse necessarios contra sedis deliberationem, quam sedes ipsa perpensis et ruminatis legibus et consuetudinibus super depositione huius prohibitae fecissent ac sub sigillo et propria domini Vicebani et Notarii extradedisset prout id ipsa sibi sic data sententia probat. Ex hoc enim fundamento causa tandem remissa fuit et exemta, ob cuius nunc talem suscitationem in poena celumniae dictum dominum Comitem convinci postulant. Proculator domini Comitis priora pro repetitis habendo addit post levatam prohibitionis onus litteras extradatas nullius fuisse firmitatis et neque sub litis pendentia ad aliquam exemtionem procedere potuisse quandoquidem iuxta vetustissiam aprobatam consuetudinem Regni extradata iudices nobilium publice et cum proclamatione fieri debeant et sub huiusmodi iuridicis remediis etiamsi extradarentur nullius sint vigoris et firmitatis. Accedit post hosce universos processus aliam iudicialiter superius consentaneam esse deliberationem et quidem citra reclamationem dominorum Capitularium, in qua domino Comiti super usu depositionis oneris prohibitae proba et documentum est inventum et deliberatum, cui quidem iudiciariae deliberation! sese accomodando probant ut supra. Capitulares replicant super remedio prohibitionis cum eadem qua supra protestatione, quod donee illud remedium pro domino Comité penderet se non processisse cum sententia, sed prius ex deliberatione huius sedis iudiciariae anihilatum illud remedium fuisse ex sic causam ad exemtionem remissam et exemtam fuisse. Ideo peterent ut supra quod docent processus et nihilominus dicunt, quod domino Comiti Capitulares colonos licentiatos, qui apud ipsos essent non sunt negaturi, dummodo onera ipsorum in quibus iudicialiter convicti sunt persolvat. Imo liberaliter cum possessione ipsa et castello domino Comiti donaturi sunt. Procurator domini Comitis refert se ad deliberationem sedis cum repetitione priorum et probat ut supra secundum deliberationem sedis. Capitulares peterent Actorem in poena calumniae convinci. Deliberatum est quod utraque partium producant originalia ex quibus litterae 226