ARHIVSKI VJESNIK 19-20. (ZAGREB, 1976-1977.)
Strana - 222
authentico munitae et roboratae in eademque sede nostra publicatae clarius exprimèrent. Nempe quod a singulis colonis licentiatis tres floreni hungaricales pro onere prohibitionis deponi deberet, quodque iidem coloni ex bonis eorundem dominorum Capituli in possessionibus praescriptae Kraliocz, Jelkowcz, Czerye, Dwmowcz et unaque Kobiliak ae Nowaky in pertinentiis Ecclesiae Zagrabiensis et comitatu Zagrabiensi commorantes libère abire non possent nisi solutis solvendis iuxta summam debitorum penes eisdem iudicialiter impositam neglectuum et contumatiarum penes iuramentum super eisdem debitis per reverendum dominum Gregorium Nenadych canonicum et tunc decanum Capituli Ecclesiae Zagrabiensis coram iisdem iudice nobilium et iurato de sede nostra iudicaria ad exentionem dictarum litterarum adiudicatoriarum exmissis praestitum, sicuti eaedem litterae exentionales testimoniales sigillis anotatorum iudicis nobilium et iurati roboratae in eadem possessione Kraliocz duodecima die octobris in praescripto anno millesimo sexcentesimo nono transactae limpidius testantur. Quo quidem processu praescriptae causae in hac sede nostra iudiciaria producto, praenominatus Stephanus Domianich pro dicto domino principali suo proposuerat penes prohibitam, quod domini Capitulum non expectato licentiationis certorum colonorum de possessionibus Kraliocz, Jelkowecz, Czerye aliisque ibidem convictionis fine, certa etiam et iuridica interveniente post convectionem eorum colonorum dictorum possessionum prohibitione, nonnulli primo videlicet captivati deinde torturati et acriter questurati in arce Zagrabiensi secunda die mensis aprilis in anno praesenti, nimirum providi Petrus Pahorych, Georgius Merdetych, Emericus Pawlekovych et Lucas Ztublych et Matthaeus Foger, tandem longa captivitate detenti et viribus eorum non administratione cibi et potus exuti, 27. mensis praefati aprilis inexpectato ut praemissum est certo et iuridico fine in area eorum Capitulari convocatis inquilinis eiusdem areae ipsorum manibus armatis, occlusis universis portis, per Turcam captivum miserabiliter et praeter omnem pietatem christianam decolati; sed nec hiis (!) contenti adnotati Capitulum providos quoque Laurentium Mahenych, Ambrosium Hwnych, Fabianum idem similiter licentiatos sub eadem prohibita longa capitivitate in carcere ipsorum Capitularium Internum, vulgo Pekell per eosdem appellato, miserabiliter et inmisericorditer fere integros tres menses detenuerunt et sic eosdem sub fideiussorum cautione ablatis ipsorum rebus et pecoribus dimiserunt. Verum nonnullos hoc etiam tempore in eodem teribilissimo carcere Pekell nuncupato detinerent, reliquos vero ut potissimum Georgium Preznecz licenciato domum destruxerunt, universa pecora resque mobiles et clenodia quoque domus abripuerunt. Thomae quoque Zakolych unam vaccam mulgibilem similiter abegerunt et sic res praedictas ablatas pro seipsis inexpectato ut saepe allegatum est fine iuridico litis intermedio ac pendente prohibitione usurpassent et quo ipsorum voluntati placuisset fecissent eosque gladio et captivitate mulctassent rebusque mobilibus privassent, ut praemissum est contra publicam Regni istius Sclavoniae consuetudinem et etiam Decretum Ferdinandi imperatoris super licentiatione colonorum editum, in quo quidem Articulo Regni Sclavoniae extat, ut si quis error commissus in processu praedictorum colonorum licentiatorum Kralioczensium et aliorum extaret, ut in primitus celebrandis iudiciis comitatuum huiusmodi error emendari et reformari ulteriori quoque processu admisso deberet et syic dicti Capitulares tarn Articulum praemissum super licentiatione fundatum Ferdinandi imperatoris quam praetacti Regni Sclavoniae in praemissis omnibus violarunt. Super qua quidem violatione contempta iuridica et hactenus observata prohibitione pe222
