ARHIVSKI VJESNIK 17-18. (ZAGREB, 1974-1975.)

Strana - 48

succesori asignar tuti queli che in tempo del suo officio sono puntadi tanto punti propi dei morti quanto punti dele domenege nouele, ordinata et distintamente. Che pena al officiai nouo pronunciado che non uolisse acetar el officio. Capitolo .XXXV. Quando i nostri prochuradori, guardian, scriuani, gastaldi, gastalde, nunzuli ouer altri officiali fossi eleti per nostri officiali a exercer el suo officio et algun de queli non uolissi acetar el officio, volemo che quel disobediente ilio instante debia pagar l(iure) .V. de p(icoli) ala nostra schuola, et più s' el morisse quel anno, non uolemo che la nostra schuola i sia tegnuda a nigun ordine dela nostra mariegola de sepelir el so corpo morto nullo modo. E si quel disobediente non uolissi pagar le dite l(iure) .V. dite de sora in quel instante, debia esser priuado dala nostra schuola et mai più remisso nullo modo. Queli che non può esser astreti acetar el officio. Capitolo .XXXVI. Si caxo ocurise che uno fradelo nostro fosi inpluxor schuole secular e fosi eleto per nostro officiai e qual eleto fosi in un altra secular schola officiai, non sia tegnudo acetar el officio, ne sia obligado ala pena. E si el eleto se schusase che '1 e officiai in un altra schola e non fosi uero, per quela busia sia priuado dela nostra schuola e mai più remisso, si prima el non paga l(iure) .X. de p(icoli) ala nostra schuola, e si morise quel anno, la nostra schuola non sia tegnuda acompagnar quel corpo morto nullo modo. Quanto tempo die star cenca officio. Capitolo .XXXVII. Uolemo che tuti officiali nostri i qual seruirano nel suo officio tuto anno integro, nigun de queli non possa esser eleto ne tolto per nostro officiai perfina anni quatro contra la sua spontanea volunta. Morendo fradelo o surela in pouerta che spixe se de far. Capitolo .XXXVIII. Si algun deli nostri fradeli o surele morise in tanta pouerta eh' el non auese con che far le le spixe a sepelir el suo corpo morto, volemo per carità che i nostri prochuradori abiano liberta de spender dei dineri (!) del comun dela nostra schuola per osequio de quel corpo morto del nostro fradelo o surela l(iure) .V. de p(icoli) e non più, in questo m(od)o: primo dar soldi uinti de p(iooli) ai sacerdoti che celebrano le sante misse per anima de quel morto e soldi trenta do al capitolo dela giesia chatedral de san Iacomo de Sibenico, a cagion che i prega Dio più deuotamente per anima sua, el resto fina l(iure) .V. spender in candele et altro quelo che più necesso sera. 48