ARHIVSKI VJESNIK 17-18. (ZAGREB, 1974-1975.)

Strana - 49

Che nigun official possa prestar denari a niguna persona. Capitolo. XXXVIIII. Uolemo che nigun prochurador, guardian, scriuan, gastaldo, ne uerun officiai dela nostra schuola non possa prestar denari, ne veruna altra cosa dela nostra schuola a niguna persona de condicion se sia cenca expressa licencia de tuta la congragacion dei nostri fradeli che se trouara el di ordinado, soto pena d' eser priuadi dela nostra schuola e mai più remissi, se prima el non paga de suoi propi denari chosa che auera prestado e pur per pena l(iure) .V. de p(icoli) in bursa dispensatoria. Che nigun officiai in ben dela nostra schuola non possa spender denari. Capitolo .XL. Uolemo che in nigun ben ne utile dela nostra schuola i nostri prochuradori, ne uerun officiai dela nostra schuola per tuto tempo del suo officio non possano spender (?) ultra l(iure) .V. de picoli cenca licencia de tuta congregacion, che el di ordinado se trouara, soto pena d'esser priuadi dela nostra schuola e mai più remisi, se prima el non satisfaca tuto quelo che auisi despiso, e per pena l(iure) .V. de p(icoli) in bursa dispensatoria. Che nigun fradelo ne officiai possa prestar la nostra mariegola. Capitolo .XLI. Uolemo che nigun prochurador, guardian, scriuan, gastaldo, ne uerun officiai, ne uerun fradelo di che condicion se sia possa conceder ne prestar a persona ueruna, tanto fradelo quanto non fradelo, legier la nostra mariegola altroue se non doue e la nostra residencia cenca licencia de tuti officiali e superiori inclusiue, suto pena d'esser priuado dela nostra schuola, et a gracia non sia acetato, se prima el non paga soldi .XL. in bursa dispensatoria. Como i procuradori die mandar per uno fradelo morto o amalado lutan miglia .XXX. Capitolo .XLII. Si algun deli nostri fradeli e surele, tanto nobeli quanto innobeli, tanto mascolin quanto feminin, morise ouer se amalase o per qualuncha modo fusi inpiagado fuor dela cita de Sibenico a meglia .XXX. volemo che la nostra schuola sia tegnude de condur quel corpo ala cita de Sibenico, esendo fata noticia ai nostri prochuradori, i quali prochuradori e suo gastaldi siano tegnudi trouar et mandar tante persone che sia a suficiecia de condur quel corpo del nostro fradelo o surela morto o amalado. Et i diti homini che sera mandadi si per terra firma cadaun debia auer per suo fatiga soldi .XII. al zorno a suo spise de bucha, e si sera manđadi con lo barcha, cadaun per suo fatiga deba auer soldi .X. de p(icoli) al zorno a suo spise de bucha e la barcha. E si parese ala discrecion dei nostri prochuradori et gastaldi, che le spise del salario dele persone mandade per el corpo del nostro fradelo o surela morto o amalado, facano pagar a quel (l)or che auera receuodo el beneficio, posendol pagar. Caxo che ai diti prochuradori et gastaldi eh' el beneficiado non puoi suportar le spixe, fazano una colta infra tuta la nostra schuola, si de fradeli corno de surele, de tanta quantità de dinari che sia basteuele a pagar le dite spixe de condur quel corpo uiuo o morto ala cita de Sibenico. 4 Arhivski vjesnik 49