ARHIVSKI VJESNIK 17-18. (ZAGREB, 1974-1975.)

Strana - 42

secondo che per el nostro guardian sera comandado et ordinado, et primo tute le domenege quadragessimal, zuobia et venere santo, la resurection de lesu Cristo e le do feste sequente, et tute le domenege nouele per tuto anno, quatro feste dela virgene madona santa Maria, cioè la Purificacion, la Anunciacion, la Asumpcion e la Natiuita, la festa d' Ogni santi et el di dela Comemoracion* dei morti, la Natauita de lesu Cristo et le do feste sequente la Circumcision et la Epifania et el di de Corpus Cristi, la festa de san Iacomo apostolo del mexe de luiio, et a tute le precession comandate per el reuerendissimo padre miser lo vescouo ouer per el magnifico miser lo conte, e a tuti osequi dei nostri fradeli condegni, tanto nobeli quanto innobeli, tanto mascolin quanto feminin, e a tuti queli osequi che sera comandadi per i nostri procuradori et guardiani a cio deputadi. Et si altra circha per suo deuocion uolesi far i nostri fradeli a laude et honor de qualche santo ouer santa, posano far a suo beneplacito sempre e nigun sia tegnudo ala pena de non esser uegnudo quel di. Ordinando el fradelo morto sia sepelido in tonega. Capitolo .XX. Qvaluncha nostro fradelo del numero de .CX. ha consegnado al nostro guardian per scritura la soa tonega e morisse ordinando, el morto sia sepelido honorado et acompagnado dela nostra schuola per fina la sepultura, uestidi in tonege a modi usadi. Ancora s'el ordinase ch'el suo corpo morto fusse portado dai nostri fradeli, siali adimplida la soa ordinacion. Qualuncha nostro fradelo ouero sorela, tanto nobele quanto innobele, tanto mascolin quanto feminin, non consegna al officio del nostro guardian la soa tonega e morisse, non uolemo che la nostra schuola sia tegnuda acompagnar quel corpo morto uestidi in tonege, saluo uestidi secularmente con modi usadi. E si alguna nostra sorela auese deuocion che la nostra schuola acompagnasi el suo corpo morto per fina la sepultura uestidi in tonege, sia li adimplida la soa deuocion, con questo dando lei al officio del nostro guardian una totonega complida ouero l(iure) .V. de p(icoli). Dechiarando cadaun fradelo o surela, tanto nobele quanto innobele, tanto mascolin quanto feminin, che per scritura al officio del nostro guardian non auera consegnado la soa tonega, quel tal intendemo cenca tonega, e nullo modo volemo che quel corpo dala nostra schuola sia sepelido in tonege, se non secularmente. E per tuti queli fradeli e surele, tanto nobeli quanto innobeli, tanto mascolin quanto feminin, auera consegnado al officio del nostro guardian la soa tonega, queli tal sia sepelidi honoradi et acompagnadi como de sora. Che cadaun debia tegnir la sua tonega in luogo deputado. Capitolo .XXI. Uolemo qualuncha nostra fradelo o sorela, tanto nobele quanto innobele, tanto mascolin quanto feminin, auesse la soa propia tonega, comandemo che la debia tegnir et saluar in suo bancheto in la nostra giesia ouer capela doue sono i luogi deputadi, e questo per ouiar i scandali i qual poderia ocurer et vituperio del seg(n)o dela virgine Maria. Pero che esendo tegnuda in caxa, la dita tonega adeuegnir poderia, quanto per lezereca del seno, quanto per 42