ARHIVSKI VJESNIK 17-18. (ZAGREB, 1974-1975.)

Strana - 43

tenereza del fiol, el padre poderaue conceder al fiolo la soa tonega, in la qual tonega el zouene se poderaue far maschara, non abiando reuerencia al venerabel segno dela virgene Maria, ne respeto al abito de santa penitencia. Ouero quando el padre non la uolesse conceder al fiolo, el fiolo per adimplire el suo infrenado apetido, la inuolaraue ouer la faraue inuolar d'altri. Per seguir quelo che dito e de sora e per non star a guesto pericolo et a nuli altri che ocurer poderaue, volemo che la dita tonega non se tegna a caxa, anci apresso la giesia in luogi deputadi, corno dito e de sora, sotto pena a cadaun in general, tanto nobele quanto innobele, tanto mascolin quanto feminin, d'eser priuado dela nostra schuola et mai remisi nullo modo. Item uolemo che nigun nostro procurador, guardian, scriuan, gastaldo, ne verun fradelo ne sorela de che condicion se sia, non possa prestar ne conceder, cenca expressa licencia de tuta la congregacion che se atrouara el di ordinado, la soa propia tonega, ne de uerun altro nostro fradelo ne veruna tonega de comun a nigun nostro fradelo, ne a ueruna altra persona de che condicion se sia. In la qual tonega alguno se facesse maschara ouer a qualche dileto o festa mundana, se uestisse altroue se non ale cirche per le giesie, precession e obsequi ordinadi ouero eh' el facesse cirche deuote o di zorno per le giesie solo o acompagnado de tre o de quatro, cenca la circha propia dela nostra schuola •— soto pena d'eser priuado dela nostra schuola e mai più remisso nullo modo, tanto quelui chi prestasse la tonega quanto quelui chi se uestisse, straxora e stado nostro fradelo. Item uolemo cadaun officiai et cadaun fradelo dela nostra schuola per carità possa prestar la soa tonega et concederla a lui non besognando, e tonega de comun a cadauna persona la qual auesse deuocion uestirse e farle cirche, precession et osequi con altri fradeli dela nostra schuola, quando i vano con la erose et penon ordinadamente. Che nigun possa prestar, vender ne donar la sua tonega. Capitolo .XXII. Uolemo che nigun nostro fradelo, tanto nobele quanto innobele, la soa propia tonega, ne tonega de verun altro fradelo, ne de cpmun possa vender, dar, ne donar, ne prestar a nigun nostro fradelo, tanto nobele quanto innobele, ne a ueruna altra persona di che condicion se sia, che algun corpo morto fusse uestido in tonega cenca licencia del nostro guardian — soto pena d' eser priuado dela nostra schuola et a gracia non sia aceto se primo el non paga l(iure) .V. de piceli in bursa dispensatoria. Item si alguno nostro fradelo o qualuncha altra persona besognase tonega o per suo fiol o fradelo o amico 0 parente, debia conferir con el nostro guardian et con lui conuegnir de quela tonega che gli besognassi. Chi morendo non fusse sepelido in tonega remagna in comun. Capitolo .XXIII. Uolemo quando alguno nostro fradelo, tanto nobele quanto innobele, morisse in la cita o fuor dela cita de Sibenico et el suo corpo morto non fusse sepelido in tonege, el nostro guardian soto pena che i sera imposta per 1 nostri superiori, soldi .XL., che ilo instante che auera presentado la morte 43