ARHIVSKI VJESNIK 17-18. (ZAGREB, 1974-1975.)

Strana - 41

color ne in parte ne in tuto, se non in tuto e per tuto biancha; longa non a zenochio, non a meza gamba, ma al calcag(n)o ouer al ligame dela scarpa; larga quanto recircha 'labito de penitencia, cenca falde artificial, con uno buso tundo da dredo fra le spale grando quanto uno pomo naranzo mezan; manege longe non a chum(i)do, non ala pianta dele man, ma totalmente che la coura tuta la unga dela deda dele man. Larga quanto se recircha conpetentamente. Capuzo alto quanto besognia, largo tre quarti de brazo sibenzan al mancho bona mesura. Segno de sora la tonega auanti el peto destro non crucifixo, non virgene Maria, non ueruna imagine de verun santo ne santa, se non propio segno dei propi colori dela virgine madona santa Maria, el qual al presente uxa la nostra scola. Et drio ale spale contra segno honesto. Elcento de sora la tonega non de chuoro, non de seda, non de lana, non de veruna altra specie se non de corda funiculo de propio canauo schieto cenca veruna altra oura (?) de color. La disiplina de man non de chuoro, non de seda, non de lana, non de pelli de caualo, non de veruna altra generacion ne specie se non de funiculi de canauo fati schieti e non acoloradi, excepto disiplina più ardua la qual fusse aparichiada per uxo dela nostra schuola o de canauo o de fero o de altra specie che paresse ala nostra schuola per uxo de magior disiplina. E si alguno nostro fradelo, tanto nobele quanto innobele o alguna altra persona de che condicion se sia, al officio del nostro guardian presentase alguna tonega la qual non fusse conforma a questo capitolo in parte o in tuto e per nostro guardian refudađa fusse o in parte o in tuto, el qual tal contra la uolunta del nostro guardian usar la uolesse, uolemo eh' el guardian nostro con i procuradori nostri quela tal tonega refudada sia tolta e dischuzida et disfata o tuta o quela parte che non fusse conforma et data ai poueri bisonosi secondo ai diti officiali nostri parira meglio. E che quelui de chi sera la dita tonega se debia far un altra conforma al presente capitolo, intendandosi de tonega corno de altri signali. Cadaun del numero de .CX. deb'auer una tonega complida. Capitolo .XVIII. Cadaun del numero de .CX. sia tegnudo auer una tonega complida et sia tegnudo cadaun vestirse in tonega tuti i zorni ordinadi, osequi et precession comandade. Et qualuncha non uegnira a uestirse, comandemo al nostro guardian che cadaun chi non uegnira oseruar questo ordine debia puntar per pena sol(di) .IUI. per cadauna uolta che contrafara, e non gli sia perdonado nullo modo. A questo ordene ultra la sua spontanea uolunta nigun dei nostri fradeli sia obligado quelui el qual ha pasado età de anni .LXX. Et più a questa pena nigun sia tegnudo el qual fusse amalađo o fuor dela cita de Sibenico ouero ai comandamenti de comun. Questi casi ouer simili a questi per schusa sia acetadi, altra schusa non li sia acetada. Cadaun del numero de .CX. sia tegnudo uestirse zorni ordinadi. Capitolo .XVIIII. Cadaun del numero de .CX. sìa tegnudo, soto pena che se contien in questo capitolo prosimo de sora, vegnir a uestirse tuti i zorni ordinadi et precession scrite in questo presente capitolo, a far le cirche per le giesie 41