ARHIVSKI VJESNIK 17-18. (ZAGREB, 1974-1975.)
Strana - 164
21. Item eadem die commisit provinciali Dalmatiae quod, si videbitur sibi, possit suspendere et absolvere fratrem Johannem Masrech a vicariatu provinciae Dalmatiae. [1395] 22. Item die 7 mensis martii exemit conventum Dulsinii a contributione seu collecta provinciali Dalmatiae debita et, si provincialis quicumque peteret, non oboediatur sibi. Item mandavit praesidenti Dulsinii, qui est vel pro tempore erit, sub poena carceris, quod nullo modo vendat vel impignoret aliquid de bonis mobilibus vel stabilibus dicti conventus. 23. Item die eadem fecit vicarium suum in conventu Dulsinii praedicto fratrem Lazarum de Rodonis cum plenaria auctoritate in capite et in membris, et quod non possit absolvi sine speciali licentia magistri ordinis. 24. Item die 7 mensis martii concessit fratri Gregorio de Nona gratias infrascriptas, videlicet quod exemit eum ab hebdomadaria communi et a quaestu panis et frumenti intus et extra; et quod possit remanere a matutinis in profestis diebus et in festis trium lectionum; et quod possit comodere extra commune refectorium tribus diebus in qualibet septimana; et quod possit intrare civitatem bis in hebdomada cum socio grato et pro ilio die non privato ingressu civitatis; et quod tempore infirmitatis suae possit recipere unum socium, qui sibi serviat et quem cum socio maturo possit mittere pro medicinis et aliis opportunis; et quod nullus inferior possit ipsum in hoc molestare. 25. Item die ultima aprilis concessit fratri Nicoiao de Segnia, quod possit promoveri ad officia scolastica in provincia Lombardiae inferioris, et concessum est diffinitoribus capituli provincialis Vicentini, quod dictum fratrem Nicolaum promovere valeant ad officia scolastica sicut fratrem Lombardiae provinciae. Anno Domini 1396 26. Die 29 madii frater Damianus de Spaleto fuit assignatus in conventu Vicentino provinciae Lombardiae inferioris. [p. 217, n. 26] 27. Die 3 iunii frater Justus Veglensis fuit factus vicarius in provincia Dalmatiae in absentia magistri Johannis de Duratio, provincialis eiusdem provinciae, quousque redeat ad provinciam, super conventus et monasteria, non tarnen quod possit absolvere vel suspendere aliquem praesidentem in conventibus vel monasteriis. 28. Item eodem die eidem fratri Justo concessa fuit cella cum caniba et aliis pertinentiis suis quam nunc inhabitat in conventu Sibinicensi eiusdem provinciae. 29. Item eodem die eidem fratri Justo concessae fuerunt infrascriptae gratiae; quod possit comedere extra refectorium, quod habeat unum socium, quod possit exire conventum quando sibi expediens fuerit et quod sit exemptus ab officiis communibus et quod non possit notari in tabula. 30. Die 4 iunii soror Thomasina, monialis in monasterio Sancti Demetrii de Jadra, fuit exempta ab oboedientia et iurisdictione priorissae, quae nunc est monasterii Sancti Demetrii cum duabus sociabus, quas elegerit de dicto monasterio et eidem concessimi est quod possit loqui cum saecularibus honestis personis et quod non possit occupari in officiis communibus et servitiis. 164
