ARHIVSKI VJESNIK 17-18. (ZAGREB, 1974-1975.)

Strana - 165

31. Die 28 madii fra ter Nicolaus de Spaleto fuit assignatus studens artium per biennium in conventu Paduano. 32. Die 5 iunii concessum fuit fratri Justo Veglensi, quod possit assecurare et affidare fratrem Alexium Ungarum de eadem provincia quod secure veniat ad magistrum, si vult oboedire. 33. Item eidem fratri Justo concessum est, quod possit absolvere priorem Ragusinum et electum confirmare et fratres ibi existenttes a sententia excommunicationis absolvere et ad vocem restituere, dummodo velint venire ad oboedientiam magistri. 34. Item die 5 iunii frater Thomas de Clissa fuit assignatus conventualis per biennium in conventu Bononiensi. 35. Item die quinto iunii fratri Augustino de Tragurio concessae fuerunt infrascriptae gratiae: primo quod possit remanere a choro et vigiliis mortuorum et refectorio, et quod non possit notari ad hebdomadarium. Item quod ter in anno possit generaliter confiteri et auctoritate magistri absolvi. Item quod habeat unum socium, qui sibi adsistat et serviat, cum quo vel cum alio possit ire ad civitatem quando sibi expediens fuerit. Item quod de bonis sibi appropriatis per ordinem possit ordinare prout conscientiae suae videbitur et dispensare infra ordinem, Item quod possit esse commissarius et executor testamentorum. Item quod non possit cogi ire ad capitula provincialia vel ratiocinia conventuum vel ad monasteria. Item confirmatae fuerunt omnes gratiae sibi alias per magistrum concessae. [pp. 217—218, n. 35] 36. Item die 5 iunii mandatum fuit priori ceterisque fratribus conventus Sibinicensis sub praecepto, ac priori sub poena absolutionis quam incurrat ipso facto si secus fecerit, quod usque ad mensem septembris proxime futurum debeat satisfecisse et dedisse fratri Justo Veglensi totum debitum et quod sibi obligatur conventus praedictus prout reperitur in quaterniis ipsius conventus cum subscriptionibus fratrum, si sic est. Item quod dictus conventus Sibinicensis tenetur dare aliquid fratri Marco, quod dent illud fratri Justo usque ad summam librarum 93; ubi autem non debeat tantum vel aliquid recipere, praecipitur fratri Marco et etiam conventui Sibinicensi quod satisfaciant dicto fratri Justo de 93 libris usque ad mensem decembris proxime futurum; quod si non fecerint, conceditur fratri Justo, quod possit recipere de quibuscumque bonis ipsorum conventus et Marci ubicumque reperiantur et ipsa vendere vel impignorare. 37. Item die 3 iunii frater Georgius de Duratio fuit assignatus studens philosophiae in conventu Ferrariensi. 38. Die 14 mensis iunii fuit assignatum Studium theologiae in conventu Jadriensi et concessum fuit provinciali et diffinitoribus capituli provincialis eiusdem provinciae, quod possint ibi providere de officialibus. 39. Die 15 iunii frater Michael iunior de Duratio fuit assignatus studens theologiae in conventu Papiensi provinciae Lombardiae superioris. 40. Item die 15 iunii frater Laurentius de Veglia fuit assignatus studens artium in conventu Paduano per biennium. 41. Item die 15 iunii factae fuerunt quaedam ordinationes in provincia Dalmatiae ac sigillatae sigillo magistri. 42. Die 27 frater Andreas de Duratio fuit assignatus conventualis in conventu Anchonitano provinciae Lombardiae inferioris. 165