ARHIVSKI VJESNIK 17-18. (ZAGREB, 1974-1975.)

Strana - 151

Item priores nostri iudices tantam habuerunt potestatis authoritatem, ut cuiuslibet ardui negotii causam et legem ipsimet cum reliquis iuratis civibus administrare potuerint. Iam vero Domini Capitulum id totum sibimet ipsis apsumpserunt, adeo ut iam piane deficere videamur toties Zagrabiam iter metiendo dominisque Capitulo tot munera offerendo. Item domino Medak vi impulsi aream extruere debuimus, licet nos petierit, tarnen non erat petitio alla sed latens sub petitione iussio, et quicunque in areae illius structura non affuit saepissime earn deflere debuit. Item domino doctori contra libertatem nostram domum exaedificare debuimus, quo obligati non fuimus neque nostrarum erat partium. Item Matthaeo literato in vico Vlaska vulicza appellatto super reverendissimi domini Episcopi terram similiter extruere debuimus. Item ad findendas scandulas nos baculis dolando et ad scamma attrahendo coegerunt. Item singulis annis vi illata debemus vinum Dominorum Capituli a festo Sancti Georgii militis usque ad festum Sancti Michaelis Archangeli educillare cui videtur illis huic inyciunt (!) cauponatum, et sit, si in meram converteretur vappam sique in nihilum deveniret aut effunderetur a pinta ad pintam solvere debet acceperuntque a figulis Pahorith cognominatis mulctam, quod una vice exiguum quoddam vasculum necessitate domestica cogente vini educillavissent (nec enim tandem adhuc Dominorum venale dabatur) 7 videlicet florenorum hungaricorum. Item in sylvis eam habuimus libertatem, ut enim pro domuum nostrarum necessitate tum pro venditione sufficientia ligna nobis secare nunquam fuerit prohibitum, tantique ea cuipiam domino ex cannonicis, quanti commetaneo alicui homini vendere potuimus. Iam vero si vel exiguus ventorum flatu fractus alicuius arboris ramus decidat, eum sub poena capitis nobis auferre non licet, nisi prius splendidis hunc et illum donemus muneribus, ita ut iam prae innumeris donorum oblationibus vix nobis ad victum necessaria suppetant. Item antea liberum fuit nobis in supra nominatis sylvis glandes decolligere, iam vero si aliquis pastorum nostrorum vel pro media metreta colligat non piget dominum Decanum eas una cum quisquiliis auferre, si eas defodeamus ex terra etiam effodere non gravatur. Item maiales sic decimant ut cum duo homines saltern decern habeant simulque eos abigant, eligunt ex illis quem volunt, quod umquam antea factum est, sed quicumque decern non habuit nullum acceperunt ab ilio. Item antea ab areis obligabamur uno crucifero, iam vero tres tres (!) collegerunt denarios nec ibi in horreo ab illis intelligere potuimus quantum quisque decimae debeat, sed domi cum magno (muneris) apparatu nobis requirendo fuerunt, atque ita admodum difficulter ab illis responsum habuimus, figuli vero supra nominati pro praememoratis areae cruciferis uterque unum corbem ollarum illis offerre debuit quem in alio loco 50 aut 40 denariorum vendere potuisset. Item prioribus temporibus cum Domini Capitulum ad bellum nos mittere volebant, semper solebant nobis pulveres, plumbum et unicuique ad mensem florenos 2 dare, iam vero ne obulum quidem. Item cum Turcae secunda vice arcem Zissiensem una cum oppido obsidione cinxissent, rogaverunt Domini Capitulum ut nos Craliocenses in arcem nos includamus ea ratione quod quicumque se intus occluderet fortiterque 151