ARHIVSKI VJESNIK 15. (ZAGREB, 1972.)

Strana - 49

pletionem summae salarii sui Canisiensis hoc etiam tertio anno conditione in literis adscripta habere potuisset. Verum cum suam supplicationem locum non habere, ac determinatam voluntatem Caesareae Maiestatis de restitucione cognosceret, licet sperasset omnino sibi a Maiestate Sua Imperatoria oblationem alteris literis lactam observari, tarnen uti prius dicisset, absque ulla remora medietatem arcium et bonorum restitueret, hoc saltern petens a nobis, ut adventum filii sui Balthasaris Tahy maximi natu, qui Canisiae militaret, expectaremus, ut is in conscriptione inventaru nobiscum procederet, cum ipse iam usum pedum amisisset, ac reliquae etiam tractationi optaret ut intéresse posset. Intellecta eius animi promptitudine ac studio in Caesaream Maiestatem, petitioni eius consensimus. Postulavimus etiam- aequalem medietatem universorum proventuum ordinariorum et extraordinariorum a XXVII Iunii mensis proxime elapsi provenire debencium una cum messis et vindemiae praesentis anni medietate. Qua re intellecta perturbatus, dixit se minime teneri ad restitutionem medietatis messis, eo quod anno primo transactionis medietatem messis pecunia magna emisset, vindemiae et aliorum proventuum medietatem a XXVII Iunii proveniencium aequalem partem restitueret. Deinde -multis ultro citroque verbis prolatis respondit se intra hosce dies, quibus reditum filii expectaret, cogitaturum. Adventum filii sui quadriduo expectavimus. Et ne longior expectatio nobis in mora esset, solicitavimus dominum Tahy de resignatione medietatis et de responso dando. Nono deinde huius mensis die curavit se ad nos deduci, ac coram egregiis Joane Forchych vicebano, et Joanne Petrychewith, vice magistro prothonotario regni Sclavoniae, huisumodi verbis loquutus est. Mandatum ac certam resolutionem Sacratissimae Romanorum Caesareae et Regiae Maiestatis, domini mei clementissimi, ex literis eius Maiestatis et verbis suorum commissariorum Dominationum Vestrarum, inquit, de resignatione medietatis arcis Zomzedwara et castelli Stubycza certo accepi. Voluntati itaque eius Maiestatis humiliter obtemperare volens, iuxta literas meas reversales dimidietatem arcis cum pertinenciis ac inventario mihi assignato absque ulla difficultate Maiestati Suae Imperatoriae ad manus Dominationum Vestrarum commisariorum Suae Maiestatis nunc iam defacto resignabo, tali tarnen protestatione coram praedictis Vicebano et Vicemagistro Prothonotario praemissa. Quod Maiestas Imperatoria uti iustus imperator et rex intuitu primum iusticiae, ac deinde etiam suorum fidelium servitiorum, Divo Imperatori Ferdinandu genitori Maiestatis Suae faelicissimae recordationis, ac deinde etiam Maiestati Suae et regno praestitorum benigne prospicere dignaretur, ne iuribus suis et suorum filiorum, quod in praefatis bonis post familiam Bathori haberet, praeiudicaretur, ac aliquomodo illud impediretur, sed salva et intégra sibi et suis haeredibus relinqueretur. Item ut eius Maiestas Imperatoria ius quale in dictis bonis haberet cognosceret, aut cognoscendum ordinariis iudicibus regni commiteret. Et ne ante huiusmodi cognitionem adversariis suis medietatem arcis et bonorum Zomzedwara et castelli Also Stubicza restituere dignaretur. Nam hoc cum protestatione diceret, semota omni suspitione inobed [i] enciae, quod adversarios suos nulla ratione admittere posset, nec vellet, etiam si sibi in vinculis Maiestatis Imperatoriae moriendum esset. Primo propterea, quod illi fidem sibi datam non servaverint, sed eum et suos ex arce excluserint, uxorem suam hue atque illuc trudendo ac verberando cum filliabus suis nudis pedibus multis vituperiis aliisque iniuriosis verbis additis eiecerint. Ex quibus verberibus et trusionibus uxori suae mors intempesta certo evenisset, cuius rei cum nec ipse ulio unquam tempore 4 Arhivski vjesnik 49