ARHIVSKI VJESNIK 11-12. (ZAGREB, 1968-1969.)
Strana - 95
Item (19) Vszako duguvanie med zvunesniemi mestri y detichi kakoszegoder ozde pred nassim Czehom opraui pogodi y vuczeni, da ima meszto pred vszakim mestrom y detichem y dasze nema to razmetati, y akobi koi budi mester, ali detich, szuproti tomu sztal, y malo ali vnogo gouoril, ako bude mester, damusze ima detich vuzeti, akoli detich bude, da nema pri ni iednem mestru delati. Item (20) ' Vszaki loncharszki detich dusan ie vu puskiczu ieden bech dati vszaku nedeliu, na koie puszkiczu da imaiu tri lokoti biti, y tak da iz te iszte puszkicze nemaiu mestri, ni detichi, na drugu ni iednu czesku potrebochu van penez iemati ni trossiti nego teda, kadasze pripeti koiemu mestru, ali sene mesterszke, ali takaisse koiemu detichu szmert, iz te iszte puskicze dasze sztem imaiu k matere zemlie pošteno szprauiti. Item (21) Akobi koi mester, ali detich, formu, ali modi, drugoga mestra chkomcze dale iztrukal, te takou akosze zve, bude dusan na Czeh birsaga voiszka deszet funtov. Item (22) Akobi koi detich chkomcze od szuoga mestra odtissal, te takou dusan bi bil dua funta voiszka birsaga na Czeh. Item (23) Akobi koy mester szuoiemu detichu nehotel dalie delà dati, takoie mester dusan pred iednem tiednom detichu povedati y na znanie dati, pervo negoga odpuszti, akobi nebila vu detichu kakova velika falinga, ili pregreska, takaisse y detich to dusan bude vuchiniti, y akobi koi vu tom prekersil budi mester ali detich, te takou vszaki dusanie birsaga na Czeh ieden funt voiszka dati. Item (24) Akobisze koi detich szvoim mestrom za szuoiu plachu nemogel pogoditi, ali vu koiem drugom duguvaniu, stobi szuproti Czehu bilo, takoie mester dusan pred Czehmestra poiti y povedati szvoie duguvanie y dusanie pako Czehmester marliuo zato paszku vuzeti y nie z dobra pogoditi. » Item (25) Akobi koi zvunszki detich loncharszki szimo dossal y nebi hotel ouoga Czeha prauicze pokoren biti, y veruuati, takomusze imaiu prauicze dati chteti y daie ima poszluhnuti y akobi on szuproti rechenim prauiczam potlam kai gouoril, takosze takovomu detichu zeuszema pri ovom Varasdinszkom varassu delo prepoveda, akobisze pako te takou detich pred vszemi mestri y detichi vu molbu pusztil, te poleg nyhovoga vszeh dokonchania birsagu pokoren bil y platil, takomu teda dopuscheno delo pri Czehu bude, ali tako, dasze varaska prauicza nimalo nevrazi.
