ARHIVSKI VJESNIK 11-12. (ZAGREB, 1968-1969.)

Strana - 96

Item (26) Kadasze mestri, ali detichi, k Czehmestru szprauliaiu, teda da nema ni ieden z orusiem tamo doiti, niti pri szebe nosziti, nego daie ima od szebe dati, doklam od Czehmestra van odtide. Item (27) Kada Czehmestra posztavliaiu, tedasze imaiu vszi mestri y detichi szkupa szprauiti, kulikoihie goder pri Varassu. Item (28) Kadaie od Czehmestra mestrom i detichem zapoved za koie czesko duguvanie, ili potrebochu, tebi zvuna velikoga zroka k prauomu vremenu k Czehmestru nedossal, akobi mester bil, takoie ieden funt voiszka na Czeh birsaga dusan dati y platiti akolibi detich bil, takoie pol funta voiszka dusan platiti, item koterie naisztaressi detich, teie dusan vu czirkve vu szvechiak szueche postauliati, vsigati y vgassuvati gdaiegoder potrebocha. Item (29) Akobisze nassel, koi nasse mestrie loncharszke, mester ali detich, tebi hotel zvuna ouoga Varassa, ali vu tom kotaru na szuoie sztati y suproti nasse prauicze delati, tebi sto takaisse szuproti nasse czeske prauicze govoril, te takou akobisze nassel, prez vszake milosche dusanie na Czeh platiti birsaga deszet funtou voiszka a na plemeniti Tolnach varasdinszki 14 funtou becheu, toieto 14 Raniski. Item (30) Akobi koi mester, ali detich loncharszki vu drugom varassu, ali vu koiem szelu na szvoie hotel posztati y delati, takouoga mestra y deticha mi za nistar dersimo, doklamsze goder takou vu nas Czeh neukupi, ali z nami nepogodi. Y akobisze takov mester, ali detich, zvedel, ali nassel, kadegoder buduchi, da imaiu czeski mestri szimo nam na znanie dati, y akobi to znaiuchi koi mester, ali detich, nehotel nassemu Czehu oznaniti, toga takouoga mestra y deticha mi za nistar dersimo, doklamszegoder on vu Czehu nassemu nepogodi y birsaga neplati. Item (31) Akobi koi detich vu drugom Orszagu sto bil szuproti koiemu pregressil, tako nie dusan za nym poiti, negodasze ovde ima pred Czehom zochiti y odgovoriti, hac conditione, dasze varaska prauicza nema vraziti. Item (32) Vszaki detich koi szimo pride, tebi hotel ozde delati, takou mora za Czehmestra pitati y k niemu na sztan poiti, a Czehmester daga ima naiperuo k naistaressemu mestru poszlati, akolibimu nebil potreben; potlam pak drugim posztaressim po redu y datiga polag czeskoga obichaia takaisse Czehmester na ieden obrok ne dusan veche takovomu detichu rachunati nego seszt becheu,