ARHIVSKI VJESNIK 7-8. (ZAGREB, 1964-1965.)

Strana - 284

92. Požun, 1571. IX 7. Kraljevski komesari Franjo Nagwatthy i Jakob Wyzkelethy izvještavaju Ugarsku komoru o neuspjehu pokušaja da se od Franje Tahyja oduzme dio susjedgradsko-stubičkog vlastelinstva koji drži u zakupu. Reverendissime, magnifiée, generosi ac egregii domini et patroni nobis obseruandissimi, servitiorum nostrorum comendationem. Juxta informationem et commissionem a reverendissima, magnifica ac generosis et egregiis Dominationibus Vestris nobis datam, profecti fuimus ad arcem Zomzedwara, ibique literas mandati Sacrae Caesareae et regiae Maiestatis, domini nostri clementissimi, una cum litteris reverendissimae magnificae ac generosam Dominationum Vestrarum magnifico domino Francisco Thahy exhibuimus, causamque nostrae ad eum expeditionis abunde declarauimus. Intelligo itaque mandato Sacrae Caesareae Regiaeque maiestatis, idem dominus Thahi respondit se ab inicio semper humilem et fidelem servum ac subditum Sacrae Caesareae et Regiae Maiestatis fuisse et in posterum usque ad finem vitae suae futurum, verum quod ad resignationem medietatis arcis Zomzedwara et castelli Also Ztubicha attineret id pronunc praestare non posset, necque earn usque ad penultimam diem mensis juni anni 1572. resignare teneretur, elapso tandem ter+ mino illo, quicquid Sacra Caesarea Regiaque Maiestas statuerit, id humiliter et obedienter ipse quoque facere velet, nec dubitaret, quod Sua Maiestas Sacra quod semel ei graciosae concessit, id rursum ante debitum tempus mutare vellet. Nam iuxta transactionem cum Sua Sacra Maiestate factam tribus ante terminum resignationis mensibus super ipsa resignatione praemonendus fuisset, nunc vero duobus sollumodo antea mensibus admonitus esset. Deinde quod septimo die statim post transactionem priorem aliae litterae sibi a Sacra Caq-r sarea Regiaque Maiestate essent datae, in quibus Sua Caesarea et Regia Maiestas gratiam sibi concessisset, ut debitum suum Kanisiense in tribus ex pensione quam iuxta priorem transactionem pro arrenda medietatis arcis Zomzedwara et castelli Also Stwbycza annuatim soluere teneretur, pro se defalcare et detrahere posset. Quas quidem litteras Sacrae Caesareae et Regiae Maiestatis coram nobis in specie produxit, quarum paria per nos de uerbo ad uerbum transumpta reverendissimae, magnificae ac generosis dominationibus Vestris cum praesenti nostro scripto exhibemus.

1 Ad mandatum autem Sacrae Caesareae et Regiae Maiestatis, idem dominus Thahy etiam per supplicem suum libellum respondit, quem hic adiunctum eisdem Dominationibus Vestris praesentamus. Rogayitque idem dominus Thahy sumopere easdem Dominationes Vestras velint supplicem eius libellum ad Suam Maiestatem transrnittere.

2 Et quamvis ad omnes eiusdem domini Thahi excusationes et alegationes satis copiosae explicauimus, easque modis et rationibus quibus potuimus refellere studuimus, atque inter alia admonuimus eundem serio, ut se priori transactioni per omnia accomodaret, nec resignationem bonorum Sacrae Caesarae et regiae Maiestatis praetextu alicuius posterions transactionis super seruitiis Canisiensis emanatae contra expraessam diuae Suae Maiestatis voluntatem diucius differet, promitentes ei certo, quod si quid ratione servitiorum suorum restaret insolutum, id omne a Sua Caesarea et Regia Maiestate primo quoque effective acciperet. 284