ARHIVSKI VJESNIK 7-8. (ZAGREB, 1964-1965.)
Strana - 247
gentes suas sub dicto castro Zomzedwara acceptam, dum dictus presbiter sacellanus ipsius Michaelis plebani actoris vestibus et pileo rusticalibus inductus, aliis rusticis contrariis scilicet ipsi domino bano et gentibus suis associates, apud fluuium Wrapcha vocatum quendam hominem dicti condam domini bani ex gentibus suis profligatis captum ac manibus a tergo ligatum et auxilium sibi ferre clamantem versus dictum castrum Zomzedwara duceret, per quendam Michaelem Pernar aliter Tholkechew dictum et alios seruitores ipsius condam domini bani idem presbiter sacellanus unacum quodam colono praefati actoris socio scilicet suo in feruenti crimine interfectus extitit et non per Balthasarem filium aut satellites jamfati domini Francisci Thahy, qui eotunc alio in fugam se converterant. Sextus testis magnificus dominus Simon Keglewych de Bwsyn requisitus, adiuratus et examinatus, fassus et attestatus est scitu in hunc modum: quod praefatus dominus Franciscus Thahy dictum Balthasarem filium suum cum satellitibus suis ad domum et curiam plebanalem dicti Michaelis presbiteri actoris in Zthenyewcz habitam non misisset et neque res et bona ipsius ibidem diripi et distrahi fecisset, nisi quam in festo beati Georgii martiris in anno domini millesimo quingentesimo sexagesimo quinto praeterito reuerendus dominus Georgius Draskowych episcopus praefatae ecclesiae nostrae Zagrabiensis ac praefatus spectabilis et magnificus condam dominus Petrus Erdewdy, comes et banus, tamquam commissarii pro facienda concordia inter ipsum Franciscum Tahy et dominam relictam condam Andreae Hennyngh pro castro Zomzedwara praedicto ambulassent, ubi etiam ipse testis unacum ipsis interfuisset, quidam clientes et haramiae ipsius condam domini bani et aliorum dominorum cum ipsis eotunc existentibus in reuersione eorundem dominorum et ipsius testis absque scitu tarnen et commissione ipsorum dominorum suorum, non tarnen cum timpanis et tibiciniis in dietam domum et curiam ipsius Michaelis plebani actoris in eodem Zthenyewcz habitam diuertissent et si iidem clientes et haramiae aliquid dampni ipsi actori ibidem patrassent ipse testis ignoraret. Abactionem peecorum et abduetionem Turcae captiui ipsius actoris per Christophorum Grwbar sciret factam fuisse, sed ex cuius commissione id fecisset, fatetur se ignorare. Plebaniam vero iam fatae ecclesiae de Zthenyewcz seit ipse testis post discessum ipsius actoris ad Nedewlcze magistro Stephano Myndzenthy canonico scilicet dictae ecclesiae nostrae Zagrabiensis ad petitionem ipsius testis et aliorum dominorum fuisse collatam et non pro mille florenis impignoratam, sed dictus dominus Franciscus Tahy ad quasdam res suas aureas et argenteas, necnon quoddam litter at orium suum obligamen ad scitum ipsius testis a praefato magistro Stephano canonico et egregio Gregorio Myndzenthy adhuc ante casum et tumultum sub dicto castro Zomzedwara factum mutuo et sub spe future restitutionis earn summam mille florenorum leuasset. De dissipatione vero et conculcatione venerabilis sacramenti fatetur se usque modo ne audiuisse quidem aliquid. Interemptionem vero dicti presbiteri sacellani et coloni dicti actoris scitu fatetur factum fuisse per omnia ut dictus Stephanus Schytaroczy quintus videlicet testis. ...... 2 Decimus quintus testis honorabilis dominus Joannes plebanus ecclessiae Sancti Viti de Berdowcz requisitus per utramque partem ac ad puritatem suae conscientiae, tacto dominicae crucis signo, adiuratus et examinatus, fassus est se nichil scire. 3
