ARHIVSKI VJESNIK 7-8. (ZAGREB, 1964-1965.)

Strana - 208

40. Susjedgrad, 1566. XI 10. Stjepan Gerdak i Ivan Varaždinac daju pred kraljevskim komesarima svečanu izjavu da će u upravi susjedgradsko-stubičkim vlastelinstvom štititi vladareve interese i brinuti se za njegove prihode. Nos Stephanus Gerdak de Fyletyncz prouisor et Joannes litteratus Warasdiensis contrascriba Sacrae Caesareae et Regiae Maiestatis, in castro Zomzedwara et castello Also Zthwbycza constituti, fatemur per praesentes, egregios dominos Gregorium Myndzenty ac Ladislaum Bwkowachky, commissarios per eandem Sacram Cesaream Maiestatem, dominum nostrum dementem, delegates, totalem et integram medietatem eiusdem castri Zomzedwara et praefati castelli Also Zthobycza ad portionem dominae Ursulae Meknyczer, relictae condam domini Andreae Hennyngh alias Teuffempach dicti, pertinentem, cum omnibus rebus et clenodiis, domus pixidibus, pulveribus et aliis id genus bellicis instrumentis ; ittem frumentis, vinis, pecoribus et aliis allodiaturis in eodem castro Zomzedwara ac praefato castello Zthwbycza, ubique habitis, simulcum omnibus aliis eorundem utilitatibus et fructuositatibus universis ad eadem de jure spectantibus et pertinere debentibus, quantum ad portionem praefatae dominae Ursulae Meknyczer cedentibus, iuxta inventarium superinde conscriptum, totaliter et integre manibus nostris assignasse, tamdiu donee causae et controversiae inter eandem dominam Ursulam ac magnificum dominum Franciscum de Tah ratione eiusdem castri et praefati castelli Zthwbycza suborte iure mediante decidentur sive usque dementem eiusdem Sacrae Cesareae Maiestatis voluntatem tenenda et possidenda, ita tarnen quod nos mutua intelligentia de omnibus et singulis eisdem prouentibus veram et iustam rationem servare debeamus. Juramus igitur per Deum viuum et gloriosam dei genitricem virginem Mariam et per Omnes Sanctos et electos dei, quod nos in intertentione porcionis eiusdem castri Zomzedwara et castelli Zthwbycza et administratione prouentuum et utilitatum eorundem Suae Sacrae Caesareae Maiestati proposse nostro probe et fideliter inservire volumus ac in omnibus rebus ad officium nostrum spectantibus Suae Maiestati, fratribusque et liberis Sue Maiestatis fidèles et obedientes esse, castrumque praenotatum unacum castello praescripto usque ad tempus modo quo supra descriptum neminis alii quam ad manus Suae Maiestatis aut hominum suorum quos Maiestas Sua ad ea recipienda deputauerit, tradere et assignare compromitimus, fide honore et humanitate nostra mediante. In cuius rei fidem et testimonium praesentes litteras sigillo nostro usuali ac propriarum manuum subscriptione fecimus communiri. Datum in Zomzedwara, 10. die novembris, anno domini millesimo quingentesimo sexagesimo sexto. Idem Stephanus Gerdak, Johannes litteratus Warasdiensis, manu propria manu propria Neoregestrata acta, sv. 1003, br. 9. 208