ARHIVSKI VJESNIK 7-8. (ZAGREB, 1964-1965.)
Strana - 197
1565. feria quinta proxima post festum Beau Jacobi apostoli egregius Petrus Pethrychewych de Mykethyncz, nostram personaliter veniens in praesentiam, per modum protestationis, reuocationis, retractationis et inhibitionis nobis detegere et significare curauit in hune modum. Quod licet idem protestans his superioribus diebus et temporibus, feria videlicet quarta proxima post festum Beati Mathiae apostoli proxime praeterita transactum, 1 ratione et praetextu certarum violentiarum, necnon defractionis domus et curiae suae nobilitaris in portione sua possessionaria in possessione Felsew Ztobycza et comitatu Zagrabiensi existentis et habite, necnon aliorum iniuriarum per generosas dominas Ursulam Meknyczer relictam ac Annam Michaelis Konzky et Cunegundam Mathiae Kerecheny egregiorum consortes ac puellam Martham, filias egregii olim Andreae Hennyngh de Zomzedwar, hominesque et seruitores earundem, ut idem Petrus Petrychewych praetenderet factarum et illatarum, contra easdem dominas et puellam causam mouisset, cuius siquidem cause prosequutionem et totale lucrum magnifico domino Francisco Thahy, agazonum regalium magistro et consiliario Regiae Maiestatis, suisque heredibus, coram spectabili et magnifico domino Michaele de Mere, locumtenente officii palatinalis Regni Hungariae ac Serenissimi principis et domini, domini Maximiliani Secundi dei gratia electi Romanorum imperatoris, semper Augusti ac Hungariae, Bohemiae etc. regis etc., consiliario etc., jure perpetuo Viennae, Austriae, fassus fuisset et inscripsisset, tali tarnen conditione interposita, quod videlicet praefatus dominus Franciscus Thahy ac domina Helena Zriny consors sua, liberique eorundem, in tenore litterarum praefati domini Michaelis de Mere denotati, loco praescripte domus et curiae nobilitaris dicti Petri Pethrychewych destructae in eodem loco eiusdem domus destructae quatuor domos ligneas, duas scilicet inferiores, reliquas vero duas superiores prioribus similes usque ad festum sancti Michaelis Archangeli proxime venturum 2 bono et condecenti modo totaliter edificare. Quamprimum post praetactum festum Beati Mathie apostoli proxime praeteritum ex Vienna idem dominus Franciscus ad arcem suam Sthatomberk 3 rediisset viginti quinque quartalia tritici ad praetactum domum et curiam nobilitarem ipsius Petri Petrychewych destructam eidem Petro mittere ac insuper in festo Beati Jacobi apostoli proxime praeterito 4 , hic coram nobis, in Capitulo nostro florenos hungaricales trecentos finita vero causa ipsa statim decimo quinto die immediate sequenti eidem Petro Petrychewych, in casu vero mortis suae, uxori, liberis vel fratribus suis, florenos hungaricales centum plene et integre dare et soluere debuisset atque teneretur; alioqui huiusmodi fassio seu concordia nullius censeretur firmitatis, prout hec omnia litterae dicti domini Michaelis de Mere, locumtenentis officii palatinalis, superinde partes inter easdem emannatae clarius testarentur et exprimèrent. Quia autem idem dominus Franciscus Thahy praefatos florenos hungaricales trecentos, quos dicto Petro Petrychewych iuxta praedictam compositionem ipsorum in dicto festo beati Jacobi apostoli proxime praeterito, hic coram nobis, deponere et persoluere debuisset, minime deposuisset neque persoluisset, per hocque in dicta compositione et transactione minime perstitisset, eapropter idem Petrus Petrychewych huiusmodi fassionem et compositionem, modo quo supra cum dicto domino Francisco Thahy factam, in omnibus suis punctis, clausulis et articulis reuoeasset, cassasset, anihilasset et inhibuisset, prout reuoeavit, reclamauit, cassauit et inhibuit similiter coram nobis. Super quibus omnibus a nobis sibi dare postulauit litteras reuoeatorias pariter et 197
