ARHIVSKI VJESNIK 7-8. (ZAGREB, 1964-1965.)
Strana - 168
13. Beč, 1564. VII 20. Ugarski kraljevski namjesnik nadbiskup Nikola Olah naređuje Zagrebačkom kaptolu da pozove Franju Tahyja na banski sud povodom zahtjeva porodice Hennyngh da mu se posredstvom suda oduzme kupljeni dio susjedgradsko-stubičkog vlastelinstva. Nicolaus Olahus, miseratione diuina archiepiscopus eclesiae metropolitanae Strigoniensis, locique eiusdem perpetuus ac comitatus Honthensis comes, primas Hungariae, sanctae Sedis Apostolicae legatus, natus (!), summus secretarius et cancellarius ac locumtenens Sacratissimi Principis et domini, domini Ferdi nandi, diuina fauente dementia Romanorum electi Imperatoris, semper Augusti ac Hungariae, Bohemiae etc. regis, infantis Hispaniarum, archiducis Austriae etc., amicis suis reuerendis Capitulo ecclesiae Zagrabiensis salutem et amicitiam paratam cum honore. Expositum est nobis in personis generosarum dominarum Ursulae Meknyczer relictae egregii condam Andreae Thephenpach aliter Hennyngh de Zomzedwar ac Annae consortis egregii Michaelis Konzky de Konzka, necnon puellarum Kunegundis, Marthae et Sophiae filiarum praefati condam Andreae Thephenpach, qualiter temporibus hiis non ita diu praeteritis spectabilis et magnificus dominus comes Andreas de Bathor, iudex curiae praefati domini nostri Imperatoris et regis, ac Nicolaus de eadem Bathor, frater eiusdem carnalis, comités cömitatuum Zathmar et Zabolch, totales portiones ipsorum possessionarias in castro Zomzedwar et castello Also Zthobycza in comitatu Zagrabiensi existentibus habitas, directas videlicet et aequales dimidietates eorundem castri Zomzedwar et castelli Also Zthobycza, necnon oppidorum, villarum, possessionum, praediorum, portionum et aliorum quorumvis bonorum et jurium possessionariorum ad eadem Castrum et castellum de iure et ab antiquo spectantium et pertinere debentium, quarum scilicet et quorum legittima et realis successio ipsas dominas et puellas exponentes iure haereditario concerneret ac in quarum et quorum altera directa et aequali dimidietate eaedem dominae et puellae exponentes per aliquot jam annos praeteritos extitissent, existerentque etiam modo, nulla rationabili de causa, nullaque necessitate manifesta compulsi in praeiudicium juris successorii ipsarum dominarum et puellarum exponentium, eisdemque insciis et minime, ut par erat, requisitis aut admonitis, in et pro certa pecuniarum summa, magnifico domino Francisco de Thah, agazonum praefati domini nostri Imperatoris et regis magistro, suisque haeredibus, jure perpetuo vendidissent, eundemque dominum Franciscum Tahy vigore huiusmodi venditionis circa festum beatorum Viti et Modesti martyrum, proxime praeteritum 1 iidem domini Andreas et Nicolaus de Bathor in dominium huiusmodi directarum et equalium dimidietatum praedictorum castri Zomzedwar et castelli Also Zthobycza ac universorum oppidorum, villarum, possessionum, praediorum, portionum et aliorum quorumvis bonorum et jurium possessionariorum ad eadem pertinentium intromisissent atque induxissent, huiusmodique dimidietatem ipsorum castri et castelli ac bonorum et jurium possessionariorum idem Franciscus Tahy teneret et possideret etiam modo. Quia vero detentio et conseruatio huiusmodi dimidietatis praescriptorum castri et castelli, bonorum et jurium possessionariorum ad eadem pertinentium, cum jure legittime successionis, tum vero contigue et immediate vicinitatis juxta contenta generalis decreti, ipsas dominas et puellas exponentes, magis quam praefatum Franciscum Tahy vel 168
