S. Szabó József: A ceglédi református iskola története 1545 - 1936 (Cegléd, 1936)

Okmánytár I - XII.

171

Juratos Scholae Officiales, Rectoris vicarios fideles agnoscanto, acproinde nulli proterve et contumaciter illis sese opponunto.

De Moribus erga Proximos aegnales ut et quoslibet.

Lex prima.

Quandoquidem charitas et amor mutuus sit vinculum pacis et concordiae, hinc omnis debet dare operam ei, ut inter se habeat amicitiam et amorem mutuum, acproinde nemo aliquem ad lites, jurgia, arma et digladiationes provocato, neminem verberibus et concertationibus laedito, multo minus sangvinem alicujus fundito, sed nec Vitam, Personam, Doctrinam et Mores alterius ex propria Auctoritate censeto, vel calumniis traducito et subsannato, sed singuli, ut ejusdem Christi Discipuli semutuo diligunto, superiores ne inferiores contemnunto, sed iis lenitatem et familiaritatem ostendunto et universi fraterne cohabitanto ; si vero quis per aliquem sive extraneum, sive intraneum offendatur et injuriose saevere prohibemus, ne ad vindictam privatum confugiat, sed Scholae Rectori indicato primum et si res per ipsum componi nequeat solum, Pastoribus etiam Ecclesiae indicato, ut sic malum, in sua quasi herba suffocetur et exstingvatur Transgressores Legis (nisi Legum Administratorum mitigatio accedat) Schola ejiciuntor.

Lex secunda.

Nemo verbis vel factis, ut clamoribus Cyclopicis, cachinnisequinis potius, quam humanis cantionum praeternecessariorum decantationibus intempestivis, confabulationibus praeternecessariis et intentis sibilis, bubulcos potius, quam Studiosos decentibus, nocturnis compotationibus fidibusque aut cujuscunque generis Musicis, strepitu aut quolibet lusu Scholae Rectori ut et Condiscipulis molestus esto, secus facturus etcet.

Lex tertia.

Nemo bona sui Proximi invito ac inscio Domino auferto, vineas, nisi cum invitatione et veniae petitione, intrato, bona Communitatis corrumpito, secus facturus Praedo Schola ejicitor. Violator vero reliquarum Legum pro arbitrio Praelatorum punitor.

Lex quarta.