Evangelischen obergymnasiums, Bistritz, 1863
37 Item dornoch zol her habyn seyne. brieff däsz her gelebiet hath yn ar erlichen czech wnd dor wber geczewg- nisz: von dem czech mestern: wnd eyn zigel dorauff vom rath aber dasz wenigste ausz der czeech. Item der mester wel werdyn: der zol brieff habyn von zeyner gepwrd: wnd von zeynen elderyn: wnd dy mith dem namen eyn gesaczt: den vater: wnd awch dy mutter: In dem brieff: wnd darwber: eyn pewerth szigel von der stath: wnd dasz gelth noch der czech gewonhayt: alsz eyn anderer nider hoth gelegth: gleicherwaysz: zal eyn yder nider legyn. Item der nicht gesnityn hath: wnd eyn wayp nympth: wnd sich yn dy czech rieht: von dem zol man nemen eyn centen wax. Item Dy leychen sol her tragyn: basz off den achten: wnd czw vor ausz dy vir Jüncksten: von welchem dasz vorsewmpt wrd der verbwsth eyn tphwnth wax. Item dy Kerczen off wnserem Altäre der lieben frawen, Dy zolmen auff czwndyn am zonnoben'h wnd an am ithliehen Feyertag czw der: vesper Mer czwder frwmesz: wnd hoemesz wnd wider czwder wesper Mer wen men dem mith der grossyn glock lewth alsz an heryn feyertagyn szó sóimén dy kerczyn awff czwndyn In allyn amptyn In der wesper: Mettyn: ffrwmesz wnd hoomesz: wnd wider In der vesper: wnd: do pey zol Im der Jünckste mayster eyn peystand thuen czw allyn czeyttyn: pey der pwsz eyn tphunt wax. Item welcher Mester dy leych vorsewmpth vor dasz dritte hawsz: der zol gebyn eyn tphwnth wax: wnd zol der leich noch volgyn czw der Kyrchen: wnd zol czw opper geen: wnd zol wider ffolgyn basz vor dasz hawsz. Item welcher mester In dy czech kwmpt der zal mit kayner gezelschafft arbeten: der nicht yn der czech istli wnd auch mith keyra kwrschknecht nicht: wnd wer alzo beffwndyn wrd: der vorbusth eyn centen wax.
