Schematismus cleri archidioecesis Colocensis et Bacsiensis, 1942

10

Syrmiensis plaga fuit assignata. — Adhuc amplius patebant limites sub Ugrino archiepiscopo, cujus juribus Andreas II. rex subjecerat omnes terras ad Bosnám, Savum et Usoram, a labe Patarenorum ejus industria et praedicatione repurgatas. In gubernio tam amplissimae archidioecesis poterat idem Ugrinus facile ad id permoveri, ut novum ex territorio ejusdem episcopatum, Syrmiensem scilicet erigeret, adprobante Gregorio IX. Summo Pontifice ddto 20. Jan. 1229.

Post funestam cladem apud Mohács d e 26. Aug. 1526. perpessam, archidioecesis annos 170 sub crudeli Turearum jugo gemebat, iisque expulsis, archiepiscopi archidioecesim infra ambitum hodiernum restaurare studebant. Provincia Syrmiensis a Tureis totaliter devastata atque depopulata die 9. Jul. 1773. stabiliter dioecesi unitae Syrmiensi et Bosniensi seu Diacovensi est adj uncta .

Integritatem archidiocesis non attigit decretum S. Sedis Apostolicae mense Febr. a. 1923. editum, quod in regione Bácska- ensi vi pacti Trianonensis regno Serviorum, Croatorum et Slove- norum adjuncta Administraturam Apostolicam erexit, cujus tamen regionis reginem iterum capessivit archiepiscopus Colocen- sis et Bacsiensis a die 1. Junii a. 1941. tamquam administrator apostolicus.

II. Variae etiam fuere sub defluxu saeculorum limites provineiae Colocensis et Bacsiensis. Adhuc S. Stephanus episcopos Transsylvaniensem atque Csanádiensem, tamquam suffraga- neos metropolitae Colocensi subjecit, quibus accesserunt sub S. Ladislao Rege (a. 1077.) episcopus Magnovaradinensis (Biha- rensis), et sub rege eodem (a. 1094.) episcopus Zagrabiensis. Praeter hos suffraganei fuerunt metropolitae Colocensis episcopi dioecesani : Syrmiensis (ab a. 1229.) in Bánostor residens, — Bosniensis (ab a. 1247.), cujus sedes anno 1239. translata est Diacovam (cujusque dioecesis olim archiepiscopo metropolitae SpaJatensi, ab a. cca 1050. vero Ragusensi fuit obnoxia.), — Belgradensis et Semendriensis (Nándorfehérvár et Szendrő), cujus dioecesis saeculo IX. jam exstitit. Die 9. Maji a. 1381. erecta est in Moldávia dioecesis Argyas (Arges, Ardsin)-ensis infra ambitum provinciae Colocensis, quae quidem dioecesis, testantibus documentis historicis, adhuc anno 1590. florebat.

Ante a. 1526. ergo metropolitae Colocensi et Bacsiensi subditi erant octo episcopi suffraganei dioecesani (vel novem, si dioecesis Semendriensis alia a Belgradensi fuit).