Bács megyei püspöki körlevelek, 1938
- 21 S. Congregationi de disciplina Sacramentorum opportunum visum est canonica praescripta in mentem omnium revocare quibus Ssmae Eucharistiae asservandae grave sane munus incumbit. Canonicae disciplinae praecepta, conspiciuntur in can. 1269 C. I. C. qui talia habet: § 1. Sanctissima Eucharistia servari debet in tabernaculo inamovibili in media parte altaris posito. § 2. Tabernaculum sit affabre exstructum, undique solide clausum, decenter ornatum ad normam legum liturgicarum, ab omni alia re vacuum, ac tam sedulo custodiatur ut periculum cujusvis sacrilegae profanationis arceatur. § 3. Gravi aliqua svadente causa ab Ordinario loci probata, non est vetitum Sanctissimam Eucharistiam nocturno tempore extra altare, super corporali tamen in loco tutiore et decenti, asservari, servato praescripto can. 1271. § 4. Clavis Tabernaculi, in quo Sanctissimum Sacramentum asservatur, diligentissime custodiri debet, onerata graviter conscientia sacerdotis qui ecclesiae vel oratorii curam habet. a) Fideli observantia animadvertatur prae- primis duo sub gravi praecipi ut Ssmma Eucharistia in ecclesia possit asservari: 1° ut adsit qui ejus curam habeat; 2° regulariter sacerdos semel saltem in hebdomada Missam in sacro loco celebret (can. 1265 § 1.) Praeterea tria sunt prae oculis habenda in supra relato can. 1269: 1° Tabernaculum sit inamovibil et unde- quaque solide clausum; ab hoc praecepto per se gravi nec Episcopus valet dispensare; e- quidem juxta liturgicas leges tabernaculum exstrui potest ex ligno aut marmore aut ex metallo, singulaeque partes intime inter se cohaereant, reseratio maximam exhibeat securitatem, et validis ferreis seris altari arcte debet devinciri ejusque gradu aut parieti adverso; id vero enixe commendatur Exmmis Episcopis ut illa severissime amoveant tabernacula quae omnimodam certitudinem non ingerant de omnis periculi absentia. 2° Tabernaculum tam sedulo est custodiendum, ut periculum cujusvis sacrilegae profanationis arceatur; praesidium quod a jure requiritur est sedula custodia; quod vero attinet ad custodem non prohibetur quod sit lai- cus, modo clericus respondeat de clavi qua est reserandus locus ubi Eucharistia asservatur; nunquam ecclesiam deserat tempore quo haec fidelibus patet et ab his magis deserta relinquitur; attente debet invigilari etiam personis quae intuitu laboris aliisve de causis ecclesiam frequentant. 3° Nec sedula custodia Ssmi Sacramenti a jure praescripta remittenda erit tempore nocturno quando ecclesia est obserata; omnes ecclesiae fores communiantur; accurate est inspiciendum quoties vespere ecclesiae obserantur; officium ecclesiae claudendae ejusque claves committanturpersonisomni suspicione majoribus b) Clavis tabernaculi diligentissime a sacerdote custodiatur; in ecclesia parochiali a parocho custodienda est. 1° Rectori ecclesiae districte praecipitur, ut clavis tabernaculi nunquam super mensa altaris aut in claustro ostioli relinquatur; sed functionibus absolutis clavis ab ecclesiae rectore domi custodiatur vel in loco tuto et secreto reponatur altera clavi claudenda; sine apostolico induito laici per se elavem tabernaculi retinere nequeunt. 2° In ecclesiis monialium vel religiosarum clavis tabernaculi custodiri nequit in religiosa domo nisi vel in ecclesia vel in principali oratorio; ipsa est igitur in posterum expletis ecclesiae sacris functionibusacpraesertim nocturno tempore, in loco tuto, solido atque secreto reponenda. 3° Curandum est praeterea ecclesiarum rectoribus ad furta praecavenda ut in tabernaculis quantum fieri possit, non relinquantur pyxi' des et vasa sacra magni pretii et valde optandum est ut vasa tempore postremae Missae purificentur et loco tuto reponantur, particulae vero quae superfuerint in ordinaria pyxide colocentur. c) Hae sunt canonicae normae potioresque cautelae, quas S Congregationi visum est exsecutioni tradendas ad convellendos abusus Ordinariis commendare ut omnibus viribus contendant ad efficaciter Ssmam Eucharistiam tutandam. 1° Exemi Episcopi locorumque Ordinarii, praesertim dum sacras peragunt dioecesium visitationes, sed etiam extra easdem, quoties casus fuerit, per se aut per idoneas c c prudentes ecclesiasticas personas diligenter inquirant animadvertantque de visu quomodo in singulis ecclesiis et oratoriis provisum sit custodiae Ssmae Eucharistiae. 2° Quoties furta sacrilega quibus Ssma Eucharistia violatur in sua Dioecesi loci Episcopus semper conficiat processum adversus parochum actaque processus idem Episcopus ad hanc S. Congregationem transmittat et hujus Dicasterii mandata praestoletur; mature perpendant severitatem quae can. 2382 statuuntur contra parochum qui graviter neglexerit custodiam Ssmae Eucharistiae etiam citra excessum hujus violationis. 3° Praeterea ne se nimis faciles praebeant in concedenda facultate asservandi Ssmam Eucharistiam in locis a domibus fidelium nimis dissilis, quibus non suppetant omnia, quae pro tutissima custodia SS Specierum requiruntur; tolerabilius sane erit ut quandoque etiam notabili fidelium paiti commodum non praebeatur S«mae Eucharistiae adorandae quam ut Eadem exponatur sat probabili periculo profanationis. Ssmus Dominus Pius XI. praefatam instructionem benigne confirmare et Auctoritate Sua Apostolica ratam habe'e dignotus est mandans ut Instructio eadem religiosissime servetur, contrariis quibuscunque minime obstantibus. Datum Romae in festo Ascensionis Domini a. 1938. D. Card Jorio, praefectus. Excerptum Instructionis de Eucharistia sedulo custodienda Nr. 4180.
