Bács megyei püspöki körlevelek, 1936
6 5. Evangelium: „Convocatis autem duodecim apostolis" decantat Adm. R. D. Carolus Raile, parochus Kulaensis. 6. Omnes genuflectentes emittunt professionem fidei secundum formam ConciliiTridentini. 7. Ut actiones sinodales rite et ordinate peragantur, per decretum Ordinarii sequentes Synodi officiales seu ministri constituuntur: Promotor Synodi: Ulmus et RevmusD. Blasius Rajié; secretarius Synodi: Rev. D. Andreas Moullion; notarius Rev. D. Franciscus Bertron; magister caeremoniarum: Rev. D. Matthias Körmöczy. 8. Edictum promulgatorium et invitatorium, quo prima Synodus Bačiensis notificatur et convocatur, legit Revmus D. Dr. Jacobus Egerth, abbas, parochus in Apatin. 9. Recursum Ordinarii, quo a Sancta Sede Romana ad tenendam Synodum benedictionem Apostolicam rogavit, legit Franciscus Bertron, notarius Synodi. Nr. 2000/1936. Suboticae, die 17. április a. 1936. (Jugoslávie) Beatissime Pater! Antiqua Colocensis et Bačiensis Archi- dioecesis novis regni Jugoslaviae finibus in duas partes est divisa, quarum pars major ditioni regni Jugoslaviae subjecta est. Ecclesia Bačiensis, quae per octo saecula ecclesiae Colocensi sub ejusdem Praelati regimine unita gubernabatur, nunc temporis disjuncta, ex gratia Sanctitatis Vestrae quattuordecim annis per subscriptum administratorem apo- stolicum proprio jure regitur. Clerus dioecesanus suis traditionibus addictus quidem permansit, quae tamen hucusque in dioecesanis statutis praescripta et ex traditione recepta sunt et in usu versantur, novis adjunctis et indigentiis applicavit et pro norma agendi retinere vult Cum in hac parte Archidioecesis jam per sexaginta annos nulla Synodus haberetur, ad normam sacrorum canonum Sacra Congregatio Consistorialis sub nro 608 /933 die 5. febr. a. 1935. emanato mandavit, ut Synodus dioecesana quamprius celebraretur. Projecta statutorum secundum praescripta sacrorum canonum per electas commissiones, toto clero accedente, jam disceptata sunt; quamobrem subscriptus administrator apostolicus congregationem synodi generalem pro festo Commemorationis S. Pauli Apostoli die 30. junii a. 1936. in Subotica in ecclesia s. Teresiae convocavit. Idem clerus Bačiensis omni tempore addictissimus erat Sanctae Sedi Apostolicae, erga Sanctitatem Vestram exactam obedien- tiam observabat eamque in futurum exerciturum esse humillime promittit. Stantes nunc ante munus regioni administraturae apostolicae necessarium et pro sua causa grave, cum fiducia accedimus ad Sanctitatem Vestram, ut Eadem opus convocandae Synodi acceptum habeat et convenienti clero populoque universo, indivulsam fidelitatem erga Sanctam Sedem voventi, benedictionem apostolicam impertire dignetur. Ad pedes Sanctitatis Vestrae prostratus pro se quoque easdem gratias ardenter exorat devotissimus in Christo filius Ludovicus Budanovič episcopus t. Cisamensis, administrator apostolicus Bačiensis. 10. Omnes surgunt, quando Revmus D. Franciscus Petrányi, abbas, parochus in St. Bečej 1. ab altari legit responsum Summi Pontificis. SEGRETERIA DI STATO Di Sva Santitá No. 156010. Dal Vaticano, die 11. junii 1936. Exc me ac Rev me Domine, Humanissimas per litteras Augustum Pontificem edocuisti te accingi ad dioecesa- nam Synodum hoc exeunte mense celebrandam. Impigram curam et devotae mentis sollertiam, quam quocumque te religionis et fidei utilitates arcessunt, adhibere consuevisti, procul dubio etiam in hunc agendum coetum convertes, qui, si rite et scite paretur, nequit non plurimum prodesse. Synodalibus enim legibus in dioecesi senescentia et corrupta ad priscam reparantur formam et nova quae immutatus temporis ordo deposcit provide sanciuntur, ut divina religio labentia restauret, nascentia penetret, futura digna paret et sana. Benignitas misericordiae Dei et largitas caritatis inceptum quod prosequeris foveat et condendis legibus ingerens sapientiam, indat voluntatibus eorum, qui tibi subsunt, docilitatem, ut uno nisu, una conspiratione, uno studio ac pari merito vigor disciplinae servetur et ad incrementa provehatur virtus et omni bono opere ditescat. Hoc cum omine, quod praecipuo cum studio elicitur, Sanctitas Sua tibi ac sacerdotibus, qui tecum convenient, Apostolicam Benedictionem concedit. Interea qua par est observantia me profiteor Excellentiae Tuae addictisimum E. Card. Pacelli. Exc. mo ac Rev. mo Domino D. no Ludovico Budanovič Episcopo tit. Cisamensi, Administratori Apostolico Ba- čiensi Suboticam.
