Bács megyei püspöki körlevelek, 1936

- s Nr. 3000.

Protorollum primae Synodi Bačienois.

PROTOCOLLUM

primae Synodi Bačiensis,

quae celebrata est die 30. junii, festo Commemorationis S. Pauli Apostoli,

Protectoris Dioecesis Bačiensis, anno Domini millesimo nongentesimo trigesimo sexto, in ecclesia S. Teresiae Suboticae.

Synodo praesidebat Excellentissimus ac Reverendissimus Dominus

LÖDOVICUS BUDANOVIČ,

Episcopus et Administrator Apostolicus Bačiensis.

Aderant Synodo, qui Statutis subsignati sunt, ut inferius.

Acta Synodi in protocollum redigebat Franciscus Bertron, notarius Synodi.

De sessione prima publica.

1. Hora 9. sacerdotes et clerici, qui ad Synodum de jure tenebantur vel proprio motu ad eam accedere volebant, in processione solemni ad domum episcopalem procedebant Revertentes cum Exc. et Revmo Episcopo in progressu ad ecclesiam recitabant Ps. 50. „Miserere".

2. Advenientes ad altare patres synoditae sedilia sua in navi transversa occupant et sacram audiunt Missam, quam Ordinarius de Spiritu Sancto celebrat.

3. Missa finita Excmus Episcopus salutans comministros suos cum verbis: „Laudetur Jesus Christus" initium facit Synodo. In allocutione, quam omnes bene et solemniter dispositi auscultant, haec dicit:

Dilectissime Synoditae et sacerdotes Domini, salvi sitis mihi singuli et omnes, qui prompto animo ex diversis regionibus nostrae Dioecesis, multis et magnis incommodis non obstantibus, ad primam Synodum Bačiensem celebrandam convenistis.

Omni tempore Nobis pergratum est cum Nostris comministris convenire, hodie tamen exaltato corde psalmum dulcissimum recitamus: „Ecce quam bonum et jucundum est habitare fratres in unum." Quamobrem prae omnibus cura Nostra et vestra fiat cum s. Paulo protectore nostro docente satagere ut: „Solliciti simus servare unitatem Spiritus in vinculo pacis" (Eph. 4. 3.).“

Gratibus nostris addimus vota sincera, ut quae huc usque de necessitatibus ecclesiasticis, de moribus nostris et officiis maxima cura eiaboravimus, promulgando comoleamus, confirmemus et ratificemus eisque cunctos, quos et quatenus tangunt et in futurum tangent, obligatos esse declaremus, juxta Christi verba: „Beati eritis, si feceritis ea" (Joa. 13. 17.).

Jure merito hunc effectum optatum speramus nec minime dubitamus quin auspice Deo futurum sit, ut ex hujusmodi sollemni celebratione, quam maxima pars cleri participat, stabiles fructus in omne bonum opus ad Dei gloriam, animarum salutem nostrumque omnium concordiam augendam catholicaeque rei virtutem roborandam proveniant.

Quod ut nobis provideatur, assidua et maxima pietate qua possumus Deum Patrem rogamus, ut per filium suum Jesum Christum, in cujus nomine congregati sumus, ad adjuvandum nos festinet et actiones nostras sua gratia prosequatur.

Consultationes praevie a Spiritu Creatore sapientiam postulantes aggrediamur, qui nobis gratiam suam dabit affluenter.

Id nobis impetret sanctissima Mater Dei, adstet Patronus Dioecesis s. Paulus et sancta Teresia virgo, in cujus templo convenimus, et omnes Sancti, quos una voce adprecemur.

4. Expletis verbis episcopalibus Sacerdotes ad cornu Lectionis incipiunt recitare Ps. 68. „Salvum me fac“ et respondent qui in cornu Evangelii sunt. Immediate post duas orationes ab omnibus praesentibus decantantur Litaniae Omnium Sanctorum.