Bács megyei püspöki körlevelek, 1936
4 et praesentes recitant Ps. 68. „Salvum me fac ‘ (ex 3. Noct. Feriae V.); in recitatione incipient sacerdotes ad cornu Lectionis sedentes et respondent ii, qui in cornu Evangelii sunt. Finito Psalmo et repetita Antiphona, Pontifex surgit, deposita mitra, et versus ad altare dicit duas orationes ad Spiritum Sanctum. 5. Pontifex, mitra accepta, ad faldistorium procumbit, ceteris genuflectentibus, Cantores Litanias cantant, inter quas Pontifex benedicit Synodo, ad finem dicit orationem. 6. Diaconus, praemissa impositione thuris, decantat Evangelium: Luc. 9. 1—6. 7. Omnes genuflectunt et professionem fidei ejiciunt secundum formam Concilii Tridentini. 8. Pontifex nominat officiales et ministros Synodi, quo facto legitur decretum de convocatione Synodi. 9. Pontifex ad sedem suam, ceteri in locis suis genuflectunt et hymnum cantant „Veni Creator“, quo expleto omnes sedent et Pontifex allocutionem suam tenet ad Patres synoditas. 10. Post allocutionem Promotor Synodi refert de statutis, quae Ordinarius per decretum confirmat, in ipsa Synodo subscribit, ceteris synoditis eadem subsignantibus et promulgat aceo ipso obligantia declarat et data benedictione primam sessionem decreto concludit, novam- que congregationem pro postmeridie indicit. 11. Quo facto surgit Pontifex et solemniter omnibus benedicit dicens: „Sit nomen Domini benedictum“ etc. more consveto benedictione data, omnes vestes suas in loco deponunt et in silentio discedunt. Post meridiem h. 3. iterum, in silentio, conveniunt, sedilia occupant et Pontifex per decretum secundum aperit congregationem ad electiones perficiendas. 1. Recitantur Vesperae et Completorium modo superius sub nro 4. indicato. 2. Breviario finito, Pontifex deposita mitra et stans versus altare tres orationes dicit et praesentes ad electiones peragendas provocat simulque scrutatores suffragiorum nominat. 3. Jus ad suffragium habent omnes praesentes sacerdotes, qui in Dioecesi active jam funguntur; candidationem a Coetu Consultorum projectam libere discutiunt et schedulis in urnam injectis vota sua exercent. Electioni subjacent: Judices Tribunalis Col- legialis, Judices Judicii arbitrarii, Examinatores et Parochi consultores. Quavis electio separatim peragitur: Ordinem Promotor Synodi pronuntiat, scrutatores suffragia colligunt et numerant; electi vero jusjurandum ejiciunt et subscribunt eosque Ordinarius a Promotore provocatus confirmat. Ordinarius nominatConsultores dioecesanos, pro Tribunali suum Officialem et sodales Consilii a Vigilantia, qui omnes simul jurejurando se ad munera sua religiose observanda obstringunt. Quae omnia Synodus cum observantia pro notitiis sumit, simulque Coetui Consultorum concredit, ut statuta Synodi in libro separato in lucem edere, defectus supplere et actionem pro sequenti Synodo ab Ordinario indicanda praeparare procuret. 4. Electionibus peractis Episcopus Congregationem conclusam declarat, et ad altare incipit hymnum gratiarum actionis „Te Deum'‘ cum oratione finali et cum Sanctissimo (Tantum ergo, Genitori) solemnem benedictionem impertit. 5. Diaconus alta voce dicit: „Recedamus in pace', cunctisque acclamantibus: „In nomine Christi“, formatur processio eodem modo, uti fuit in initio et Episcopus ad habitationem suam comitatur et processio ad ecclesiam revertitur, ubi depositis vestibus discedit. Suboticae, die 12. április a. 1936. Concursus ad seligendos juvenes, spei bonae, pietate et ingenio praestantes, e dioecesi oriundos ad clerum indigenum creandum praesentibus indicitur. Parochi, parentes, professoresque religionis discipulos et filios suos et edocere et adhortari officii esse noverint. Inter alumnos Seminarii Minoris asciscentur discipuli, qui classes IV., V., VI., VII. cursus gymnasialis cum bono successu persolverint; ad studia Theologiae vero juvenes examine maturitatis praediti admittentur. Alumni gymnasiales integra expensa (singulis quibusque mensibus 600 den.) immediate ad Travnik mittenda, clerici ss. Theologiae studentes dimidiam partem provisionis (pro quo- quunque mense 300 den) ad Officium Rationum mittere debent. Parentum erit curam habere vestium, librorum et aliorum mediorum discendi, lavandi et medendi. Ad concursum documenta sequentia requiruntur: 1. Libellus supplex juvenis et declaratio parentum. 2. Extractus ex libris Baptizatorum gratis et sine tymbrio ab Officio parochiali exaratus 3. Testimonium de bonis moribus sive a parocho sive a proprio catecheta. Omnia documenta ante diem 20. mensis junii ad Curiam ABAe submittenda sunt. Concurrentes declamandi causa 4—5 versiculos alicujus poematis addiscant, testimonia originalia secum portent, die 1 julii ante meridiem in DomoSacerdotali appareant, ubi inspectio corporalis a medico observabitur et in sessione Consultorum susceptio alumnorum peragetur. Die 1. julii concurrentibus gratis providebitur, ast pro inspectione medicinali 40 denarios ipsi solvere debent. Suboticae, die 18. április a. 1936. Ludovicus Budanovič Episcopus, Apostolicus Bačiensis Administrator. Nr. 1784. Concursus pro Seminario.
