Bács megyei püspöki körlevelek, 1934

- 17

Nr. 4000.

Instructiones pro rationibus ecclesiasticis conficiendis.

9. Ordines de libris parochialibus

a tribus referentibus proponuntur. Libri, quibus officia parochialia nunc temporis utuntur, retinentur; usus autem eorum per normas statutas dirigetur, eo fine, ut traditiones dioecesanae fideliter serventur.

a) Rss. D. Antonius Skenderović, Cam.

S. S. proponit ordines, qui ad officium paro- chiale rite coordinandum et regendum pertinent. Hinc pertractantur et in decretum veniunt ordines de officio parochiali in genere et de libris qui sequuntur;

Protocollum signaturae, Kalendárium dioe- cesanum, Liber Taxatorii, et Liber ministrorum.

b) Adm. Rev. D. Franciscus Svraka, assessor Sedis Consistorialis, refert ordines de matriculis:

Baptisatorum, Copulatorum, Confirmatorum, Defunctorum, Eterodoxiae, et de Scholaribus matricibus.

c) Rss. D. dr. Jacobus Egerth, Abbas, profert et Coetui placuerunt consilia de libris regendis, qui in ordine muneris pastoralis obveniunt et quidem:

Animarum Status, Historia ecclesiae parochia- lis, Intentionum liber, Nymphologium de matrimoniis invalidis, Unionum liber, Viaticorum liber.

10. Inter Eventualia

consilia proposita, quae sequuntur, decernuntur: a) Ad normam AABAe XLIV. § 3.

Pretium Dotis

juxta pretium auri d. 1. oct. a. c. vigens pro anno 1935. sequens statuitur: pretium Dotis stolare permanet Den. 30; pretium nominis pro censibus et mutuis Den. 36; pretium cursus pro novis fundationibus Den. 52; pretium trien- dotis pro missis fundatis reductis Den 16.

b) Cum anno 1935. futurum sit, ut Congressus Eucharisticus pro toto regno Jugosla- viae in Ljubljana habeatur, ideo

Congressus Dioecesanus

non celebrabitur.

c) „Suppletoria"

pro disciplinari processu contra ministros et de taxis registrationis decernuntur et in AABAe inserentur.

Cum Ordinarius omnibus referentibus et praesentibus consiliariis, maxime vero Deo omnipotenti gratias egisset, et consultationi finem imposuisset, Coetus discessit.

Quae omnia coram subscripto Ordinario pertractata et decreta, praesentibus approbantur et in usum convertuntur.

Venerabilis Clerus dioecesanus rogatur, ut ordines supra enumeratos assidue addiscere suasque observationes Curiae vel ipsis referentibus notificare velit.

Occasione Consultationis supralaudatae quaedam propositiones circa rationes peculii ecclesiastici in consilium venerunt, quae exsequendi causa honorabili clero ABAe inferius referuntur,

1. Communitates catholicae ad educationem cleri minoris secundum numerum parochi- anorum singulos denarios praestant eorumque est praemium assecurationis solvere et omnes praestationes ad OR via OP per Diarium sub signo Co conferuntur. Sub eodem signo in Diario manipulantur omnes collationes earum (mutua, praemia assecurationis, et ceterae debitae praestationes), quae ad OR mittendae sunt.

Ad transactionem harum praestationum in Diario pro Communitatibus apertae sunt rationes sub signo Co et administrantur sicuti fundationes passivae dum Communitas catholica in restantiis manet, quae et infra peculium ecclesiae loci computantur. Hoc modo Communitates catholicae in Diario peculii ecclesiastici rationes apertas habent ad praestationes debitas reddendas vel conspiciendas, pro quibus quotannis et census in Diario percipiuntur.

Debita Communitatum, quae huc usque in elencho debitorum in evidentia habebantur

(ne aliquo modo foret, ut a potestatibus ceu mutua vera vectigali subjicienda inveniantur) exinde sub Co manipulentur et ad finem hujus anni per transactionem sicuti in Cx ad fundationem passivam Co transferantur.

a) Si Communitates catholicae suas praestationes effective solvunt, summae in Diario sub signo Co in rubrica „ex diversis" percipiuntur et sub signo Co ad OR in rubrica „ad diversa" erogentur.

b) Si vero Communitates nihil pendunt, sed praestationes ex peculio ecclesiae supplentur, ad OR mittendo in Diario sub Co „ad diversa" erogantur.

c) Si defectus ab OR ex commassatione supplentur et de hac transactione OP ab OR edocetur, summa assignata in Diario primo in rubrica „ex capitalibus renumeratis" (ab OR) absque ullo signo percipitur, et dein, „ad diversa" sub signo Co erogatur, adnotando finem, ad quem translatio in OR facta est.

2. Mutua, quae privatis prius concessa sunt, in fundatione passiva Cx administrantur et eorum connotatio in rubricis, „ex diversis" et „ad diversa" peragitur.