Bács megyei püspöki körlevelek, 1930
1 Nr. 1. Vota Ordinarii ad novum annum. Nr. 100. Themata theologica elucubranda. Ad initium anni novi clerus curialis et curatus Suboticaensis in Aede ABAe apparuit vota sua Ordinario exoptaturus et redditurus. Non tam consuetudine civili, quam affectu cordis sui clerus apparuisse, interpretatus est 111. D. Vicarius Generalis. Quasi exercitus ad proelium incipiendum praeparatus summo belli duci fidem promittunt ejusque consilium expetunt. Multa infensa contra ecclesiam moliri et hinc pugnam praevideri posse, respondit 111. D. Ordinarius; quae contra personas excitentur offensiones nos patientia discipulorum Christi aequo animo sustinere debere, ast praesentes simul et absentes fratres ne pro ecclesiae juribus et animarum salute laborem suscipiendam recusent provocat his Christi verbis: „Surgite, eamus!" in Novum Annum et ad nova certamina. Suboticae, die 1. januarii a. 1930. Pro coronis districtualibus anni currentis Venerabili Clero statuuntur themata theologica elucubranda, quae sequuntur: Pro semestri I. 1. Parochus Filagatus, qui et Doctor Juris Canonici et ejus capellanus inter se disputabant de matrimonio mixto, cui parochus sine dispensatione benedicebat iterum. Parochus, qui matrimonio mixto etiam sine cautionibus ad scandalum praecavendum assistebat, hoc matrimonium validum esse dixit cum in forma Tridentina est contractum, imo cum conjux acatholicus cautionem de universa prole catholice baptizanda et educanda praestiterit. Cooperator e contra evincebat, in impedimento mixtae religionis obstare prohibitionem legis divinae, quae a nulla humana potestate nisi dispensatione ab Ordinario concessa posset valide auferri, alludens ad can. 1050. et 1061. §. 1., affirmansque hoc matrimonium esse invalidum. Secundum capellani sententiam concessa dispensatione ab impedimento mixtae religionis a posteriori petenda et adepta consensus a sponsis iterum excipi debet. Quid sit veritas, quia capellanus revocat in memoriam etiam c m. 1102. §. 1. et 1095. §. 1. n. 3. ? Quibus perpensis disseratur: 1) quid de parochi agendo modo; 2) quid de casu sentiendum sit ? 2. Agatur in conferendis districtualibus de popularibus Kalendariis, quae in regione nostra divulgantur. Liber precum et Kalendárium paene in omni familia habentur et quotidie in manibus prolium vertuntur. Ex duobus his libris cibus spiritualis massae rusticae desumitur. Per se intelligitur liber tertius, qui Catechismus nominatur in familiis plerumque desideratur. Maxima pars Kalendariorum, quae fidelibus catholicis emenda obveniunt, titulum illicientem imo et catholicum habent, sed propter argumenta indifferentia et saepe obscoena spiritu acatholico redolent. Et quod plus est, editor Judaeus Kalendárium ss. Cordis Jesu redigendum adcurat. Boni pastoris est eo tendere, ut quae fidelibus suis noceant, amoveantur, quod autem ulile sit provideatur. Influxus corruptivus praeli diminuetur, si clerus curatus populum suum admonuerit et scriptis noxiis sana, imo meliora legenda substituerit. Si evenerit, ut Kalendaria trium linguarum quae in dioecesi vigent, in editione communi excutiantur, forma excellentior et materia uberior fidelibus nostris proponentur. .. Quamobrem rogantur D. D. Curiones, ut in coronis vernis thema hoc pertractent, et de modo inducendi et propagandi agant. Qui vero aliquid consilii habeat, Ordinarium separa- tim edoceat. Pro semestri II. 3. Verbum, quod Pater tamquam Filium ab aeterno genuit, caro factum est ita ut JesuS Christus sit Deus et Homo. 4. Quid est modernismus, cur et quomodo ecclesia se contra eum defendit. Suboticae, die 10. januarii a. 1930.
