Bács megyei püspöki körlevelek, 1927
PIUS EPISCOPUS SERVUS SERVORUM DEI — 16 — PIUS EPISCOPUS SERVUS SERVORUM DEI Dilecto Filio Ludovico Budanovich, electo Episcopo Titulari Cisamensi, salutem et Apos- tolicam benedictionem. Commissum humilitati Nostrae ab aeterno Pastorum Principe officium regendi, pascendi et gubernandi universalem Ecclesiam Nos impellit ut curemus, ne memoria pereat illarum Ecclesiarum, quae virtutum splendore et religionis prosperitate floruerunt, etsi modo temporum vicissitudine et iniuria pristinam amiserint fulgentem gloriam. Cum itaque titularis Ecclesiae Episcopalis Cisamensis, sub Archiepis- copo Gortyniensi, cuius titulum gerebat b. m. Henricus Joeppen, per ipsius obitum in praesens vacans existat, Nos Te, Administratorem, Apo- stolicum Bacsiensem in Archidioecesi Colocensi, ad praedictam titularem Ecclesiam Episcopalem Cisamensem, de Venerabilium Fratrum Nostrorum S. R. E. Cardinalium consilio Apostolica auctoritate eligimus, eiusque Tibi titulum conferimus cum omnibus iuribus privilegiis et oneribus sublimi huic dignitati inhaerentibus. Volumus autem et mandamus ut, ceteris impletis de iure servandis, antequam episcopalem consecratienem recipias, in manibus alicuius quem malueris catholici Antistitis, gratiam et communionem Sedis Apostolicae habentis, fidei catholicae professionem emittere ac sueta iuramenta praestare, iuxta formulas, praesentibus Litteris adnexas, et illas, vel earum exemplaria, Tui dictique Antistitis subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te electo professionem ac iuramenta praefata Nostro et Romanae Ecclesiae nomine recipiendi munus ac mandatum per praesentes committimus. Datum Romae, apud Sanctum Petrum, anno Domini millesimo nongentesimo vigesimo septimo, die vigesima octava Februarii, Potificatus Nostri anno sexto. — G. S. T. — Octavius Card. Cagiano S. R. E. Cancellarius. Joseph. Wilpert, decanus, proton, apt. Dominicus Jozio Prot. Ap. Georgius Stara Teddes Cancriae Aplicae. Adiutor a Studiis, Dominicus Francini, Scriptor Apostolicus. Expedita die decima prima mensis Martii anno „sexto“. Alfridus Marini, Plumbator. Dilecto Filio Ludovico Budanovich, electo Episcopo titulari Cisamensi, salutem et apostolicam benedictionem. Nos Tibi, in Episcopum titularem Cisamensem hodie a Nobis electo, facultatem peramanter concedimus, ut episcopalem consecrationem extra Urbem libere et licite recipere valeas a quocumque quem malueris catholico Antistite gratiam et communionem Sedis Apostolicae habente, assistentibus ipsi duobus aliis catholicis Episcopis, easdem gratiam et communionem et ipsis habentibus. Stricte vero praecipimus ut, nisi prius fidei catholicae professionem ac sueta iuramenta iuxta praescriptas formulas emiseris, nec Tu praefatam consecrationem recipere audeas, nec eam Tibi impertiatur Antistes a Te electus, cui propterea professionem ac iuramenta illa, nisi ea coram alio Episcopo iam antea emiseris, Nostro et Romanae Ecclesiae nomine recipiendi munus ac mandatum per praesentes committimus. Volumus autem et mandamus ut, si huic Nostro praecepto, quod Deus avertat, Tu et Antistes a Te electus contraveneritis, poenas a iure statutas ipso facto incurratis. Datum Romae apud Sanctum Petium, anno Domini millesimo nongentesimo vigesimo septimo, die vigesima octava mensis Februarii, Pontificatus Nostri anno sexto. — G. S. T. — Octavius Card. Cagiano S. R. E. Cancellarius. Joseph. Wilpert, decanus, proton, apt., Dominicus Jozio Prot. Ap. Georgius Stara Teddes, Cancriae Aplicae Adiutor a Studiis, Alfridus Marini, Plumbator, Dominicus Francini, Scriptor Apostolicus. * * * Ordinem episcopalem Excellentissimus Dominus D. Hermenegildus Pellegrinetti, Nuntius Apostolicus, die 1. maji festo ss. Apostolorum Philippi et Jacobi in Dominicam 11. p. Pascha incidente in ecclesia s. Teresiae in Su- botica conferet. Venerabilis clerus de programmate partiali suo tempore certior reddetur, ast praesentibus quoque ad consecrationem invitatur. Cujus gratia die superlaudata omnes sacerdotes hujus dioecesis facultate binandi praediti possibilitatem apparitionis promovere studeant. Suboticae, die 20. martii 1927. Ludovicus Budanović EI. Episcopus, Administrator Apostolicus. )
