Bács megyei püspöki körlevelek, 1927
— 17 — VI. Ex misericordia Dei et gratia Sanctae Sedis episcopus electus et die 1. maji Suboticae in ecclesia s. Teresiae in Spiritu Sancto in episcopum inunctus sum. Admodum Reverendus Clerus Bačiensis magno numero testis erat solemnitatum, quibus manus suas capiti meo imposuit Excellentissimus Dominus D. Hermenegildus Pelle- gr i nett i, Nuntius Apostolicus Bellogradiensis, munere conconsecratorum fungentibus Excellentissimo Domino dr. Antonio Bauer, Archi- episcopo Zagrebiensi et Ill-mo Domino dr. Antonio Akšamović, Episcopo Djakovoensi. Hospites nobis gratissimi adfuerunt Excellentissimus D. dr. Joannes Šarić, Archiepi- scopus Sarajevoensis, Excellentissimus D. Rafael R o d i ć, Archiepiscopus Bellogradiensis, Illustrissimus D. dr. Andre as Kari in, Episcopus Lavantinensis ex Maribor, Illustrissimus D. dr. Quirinus Clemens Bonifačić, Episcopus Spalatensis et Makarskensis, Illustrissimus D. dr. Dionysius Nyarad i, Episcopus Križevci- ensis, aliaeque lllustritates et Rssmi Domini. Ex numero Vestrum unus electus et ad apicem dignitatis sacerdotalis promotus caritate eadem non diminuta Vobis, fratribus meis junctus maneo, ut quibuscum idem sacerdotalis vitae curriculum emensus sim, onus muneris pontificalis per eosdem sublevetur. Non humanae ambitioni, nec altiores honorum gradus concupiscenti munus hoc, quod consecutus sum, inserviat, sed „Soli Deo Gloria“. Quod me maxime juvat, consecratio primo die Maji festoque sanctorum Apostolorum accidit. Mensis, omni florum amoenitate plenus, devotioni Marianae oblatus memoriale erit mihi sponsae Ejus Spiritus honorandae, quem Consecratores manibus capiti meo impositis deprecabantur dicentes: „Accipe Spiritum Sanc- tum“. Cujus mense novo munere decoratus sum, ejus gratiis et benedictione repleri adprecor, ut in ejusdem sincera devotione et servitio emoriar. Quorumque festo divino hoc munere auctus sum, eorundemque sanctorum Apostolorum, Philippi, et Jacobi, patrocinio adjuvari et firmari merear. Gratias agens Venerabili Clero, qui festivitati aderat, fraterna caritate appello omnes fratres carissimos, ut orationibus suis me ad fructus spirituales afferendos succollent, ut „resuscitare possim gratiam Dei“, quam „ego libentissime impendam et per quam superimpendar ipse pro animabus Vestris1*. (II. Cor. 12. 15.) Suboticae, die 3. maji a. 1927. Nonciature Apostolique Belgrade N. 7103. Belgrádi, die 5. Mai 1927. Excellentissime Domine, In primis gratias ago Deo, quod omnia, occasione Consecrationis Tuae, tanto ordine, tanta pace, tanta erga S. Catholicam Ecclesiam devotione, tanta in S. Patrem eiusque Legatum observantia, tanta civilium potestatum, cleri, populi obsequenti participatione, in spiritu fidei et amoris peracta sint Suboticae, ita ut eventum faustissimum perpetua memoria dignum liceat id appellare et reputare. Gratias inde ago Tibi, iterum gratulabundus, gratias praefectui civitatis caeterisque civilibus militaribusque principibus, gratias clero, gratias populo Tuo. Sit Dominus Jesus omnibus propitius regionemque bačiensem suis compleat et foveat benedictionibus. Benedicat Deus Tibi Tuisque. Ora pro me atque me habe tibi add. mum in Xto-f- Hermenegildus Pellegrinetti. Nuntius Apóst. Excmo Domino Ludovico Budanović, Episcopo tit. Cisamensi, Admin. Apco Bačiensi. Suboticae, die 7. maji a. 1927. Quae de vicariis in rescriptis hujus Ordinari atus 638. et 2600. a. 1926. acta sunt, de integro reculta et constituta in Normis de vicariis erigendis et regendis inveniuntur, quae sub nr. 500. h. a. pro parochiis Suboticaensibus vi obligatoria ratihabitae sunt. Uniformis agendi rationis causa normas supralaudatas pro omnibus vicariis et erectis et erigendis eodem valore extendi mandamus. Suboticae, die 10. maji 1927. Nr. 1064. Consecratio Ep- palis Administratoris Apostolid, Nr. 1065. Litterae Exc. D. Nuntii Apostoliéi Nr. 1066. Extensio,Normarum* ad omnes vicarias.
