Bács megyei püspöki körlevelek, 1925
Nr. 2521. De celebratione extra ecclesiam. — 23 VIII. Sacra Congregatio de Disciplina Sacramentorum. Ver.-io ex originali italico cf. Acta Apóst. Sedis 1924. pag. 370. Litterae ad Rmos Ordinarios Italiae circa facultatem celebrandi missam sub d o ad normam Canonis 822. C. J. C. Illustrissime ac Rme Domine! Multi Ordinariorum Italiae gravibus implicantur difficultatibus, quotiescunque ipsis incumbit decisio de petitis ad ipsos directis circa celebrationem SSmorum Mysteriorum extra aedificia sacra ecclesiarum, hoc est locorum ad exercitium cultus destinatorum Sancta Sedes, quam iidem ordinarii in hac re consultavere, perpensa diligenti studio quaestione sequentia ad considerandum hisce ipsis in memoriam revocat. Notissima habetur ab omnibus regula ex traditione SS. Patrum recepta, ecclesiam nempe esse locum ordinatum ad celebrationem S. Missae. lmmo fuere tempora, quibus celebratio nullibi extra ecclesias vel oratoria consecrata permissa erat. Attamen fluxu temporis disciplina ecclesiastica in hac materia propter diversas causas, quas heic minutatim enumerare extra quaestionem esset, minus rigorosa evasit. At unicuique consideranti huius disciplinae evolutionem historicam clare patebit, quod si aliquoties celebratio divini Sacrificii extra ecclesias permissa fuerat, hoc semper ad casum restringebatur necessitatis aut allegatis motivis pure religiosis. Haec disciplina traditionalis antiquissima aeque ac universalis, tot Pontificum et Conciliorum auctoritate firmata, novum adepta est per C. J. C. robur, qui Can. 822. §, l.a edicit: „ Missa celebranda est super altare consecratum et in ecclesia vel oratorio etc“ moxque §. 4 a »Loci Ordinarius . . . licentiam celebrandi extra ecclesiam et oratorium . . . concedere potest iusta tantum et rationabili cau3a, in aliquo extraordinario casu et per modum actus.“ Inde clare patet, facultates Ordinarii circa hanc materiam esse valde limitatas, quibus solum aliquo casu extraordinario et non sine iusta ac rationabili causa et quidem tali uti potest, quae unice altissimis rationibus cultus divini et boni spiritualis fidelium debet esse inspirata. Juvat porro has normas disciplinares debita cum severitate inculcare easque tali modo adhibere, ut populi fidelis religiosus sensus jugiter e'evetur et purificetur. Unde clare apparet non fore causam justam ac rationabilem a can. 822. requisitam, si missae celebratio extra ecclesiam peteretur occasione profanarum commemorationum, aut ad augendum splendorem profanorum festorum poli.icorum: in hisce c rcumstantiis celebratio Missae extra ecclesiam a citato canone 822. absolute vetatur. Idem a fortiori valet, si de talibus agatur festivitatibus, quae superstitiosum vel recto religiosi sensui aut puritati fidei populi etiam oppositum quid suapte nature praeseferunt. Tali in casu porro non tantum causa justa per Can. 822. postulata abesset penitus; sed et faciliter praeberetur occasio deviandi a sana disciplina catholici cultus. Talibus ia casibus Ordinarius loci explicabit postulatoribus non esse in eius potestate petito deferre, sed, si postulantes petitioni insisterent, specialesque adducerent rationes personarum temporum vel locorum, tunc Ordinarius curam habebit petitionem huic Sacrae Congregationi Sacramentorum transmittendi, ad quam decisio in tali causa spectat. Haec pro notitia ac agendi norma Dominationi Vestrae inservient. Ex S. Congr. Sacram. 26. Julii a. 1924. L. S. M. Caid. Lega Praefectus. L, Capotosti Episcopus Thermarum. Seeretarius. Suboticae, die 3. Dec. 1925. Quaesitum est utrum sit iuri conformis praxis iuxta quam infantes, qui non versantur in periculo mortis, sed non sine periculo ad eccle- Biam transferri possunt, domi solemniter (i. e. cum omnibus caeremoniis etiam ablutionem praecedentibus) baptizentur a parocho aliove sacerNr. 2522. De facultate bap- sismi domi conferendi extra mortis periculum.
