Scriptores Ordinis S. Benedicti qui 1750-1880
DE LITTERARUM STUDIIS. CAP. I. Id, quod mandaverat discipulis suis ordinis s. auctor, ut certis diei horis operam darent legendis et cognoscendis s. scripturis, necessario effecit, ut instituerentur bibliothecae et colerentur artes et litterae. Clarissimi magistri voluntatem diligenter secuti discipuli, qui fuerunt in imperio Austriaco - Hungarico , iam ab antiquissimis temporibus usque ad nostram memóriám studiis litterarum et artibus maxime intenti erant. Nam ut in agris colendis ita in excolendo ingenio vetustissimum monasterium ad s. Petrum Salisburgi primum vexillum artium, ut dicimus, constituit. Quo in monasterio Carolus magnus imperátor ut in ceteris opulentae Franconiae monasteriis Studium litterarum maxime auxit. Praebuit enim socio eruditae sodalitatis suae, Arnoni abbati Elnonensi in Brabantia, qui erat clarissimi magistri Alcuini discipulus et amicus, 785 abbatiam ad s. Petrum una cum connexo episcopatu Salisburgensi, qui, ut Studium litterarum Salisburgi iam ab antecessore Virgilio x) abbate et episcopo inceptum celerius et diligentius coleretur, plurimum contulit. Eodem Arnone auctore monasterio ad s. Petrum Salisburgi cum schola regia Caroli Magni rerum ad monumenta et litteras spectantium intercessit commercium atque eius scholae litterae ut Evangeliarium Cutberchti 2) de gente Angelo - Saxonum, Annales monasterii Lindisfarnensis, ab Alcuino ad aulam regiam Franconicam perlati, Salisburgum sunt missae ibique initia erant commentariorum 3) ; quos seduli monachi in monasterio ad s. Petrum viventes scripserunt. Salisburgi per Wizonem, Alcuini discipulum, Arno singularem scholam artis scribendi causa constituit, quae plus quam CL volumina, quae omnia *) S. Virgilius „Glossarium" scripsisse putatur. Pez, Thesaur. anecdot. I. 2) Folz, Geschichte der Salzburger Bibliotheken. 3) Nominantur ab omnibus annales Iuvavenses maiores. Cf. Pertz, Monura. Germ. ss. I.
