Scriptores Ordinis S. Benedicti qui 1750-1880

factum est, ut labente disciplina etiam Studium honestum et agendi alacritas praeceps iret. Huic calamitati denique a potestate ecclesiastica et civili obviam itum. Albrechtius V. dux Austriacus Nicolaum de Dünkelspühel darum doctorem rationem ordinis instaurandi excogitare iussit et ad earn exequendam viros religiosos ex Italia arcessivit. Martinus V. P. M. et consilium Constantiense auctores iiunt. Viris, quibus instauratio demandata erat, Nicolaus Seiringer Matzen ex vico Austriae inferioris oriundus praefuit, qui in monasterio Sublacensi eruditus erat. Opus suum 1418 inceperunt in monasterio Mellicensi, ubi Ioannes III. abbas munere se abdicaverat et Nicolaus in eius locum successerat. Hinc Gottwigium, Altenburgum, Cellae Marianae, Seitenstadium, Gluniacum, Cremifanum reformabantur. Cum Scoti Vindobonenses praeter Hibernos et Scotos quemquam suscipere constanter recusarent et monasterium relinquere praeoptarent, dux hanc condicionem auctoritate apostolica accepit et Scoti 1418 Vindobona excesserunt. Monasterium orbatum Germani possederunt. Nec minus Eberhardo III. archiepiscopo Salisburgensi ordo erat cordi. Quo auctore instauratio ordinis, cum in concilio provinciali 1418 celebrato décréta esset, 1421 subpositis legibus Sublacensibus coepta et 1431 a Benedictinis ad s. Petrum accepta est. Eaedem leges paulatim monachis Admontensibus, Sanlambertinis, Arnoldsteinensibus, Ossiacensibus, Sanpaulensibus probatae sunt. Atque etiam concilium Basileense monasteriorum recognitionem commendavit. Itaque per cardinalem Nicolaum Cusanum, episcopum Brixinensem 1451 nova ordinis instauratio instituta est. Postquam in concilio Salisburgensi novae leges propositae sunt, ad eas inducendas in Austriam, Stiriam, Carinthiam, Bavariam abbates Martinus Scotensis et Laurentius Mariae Cellensis et Stephanus prior Mellicensis missi sunt, Tirolim Nicolaus ipse sibi reservavit. Eorum vero nimiae severitati non monachi quidem, episcopi tamen Friderico metropolitae Salisburg-ensi subditi restiterunt. In Tiroli autem severa instituti operis exsecutio Sonnenburgi maxime in monialium coenobio molestissimarum indignitatum ansam dedit, quibus diutinae contentiones inter principem et cardinalem ipsum excitabantur LIis instaurationibus brevi tempore toties repetitis ordini pristinus vigor redditus est, cum praesertim manuum operae antiquus honor restitutus esset. Domicilium vero ac sedes ordinis Mellicium erat, cuius leges Sublacenses ad tempóra et loca adcommodata a magna monasteriorum corona accipiebantur, quae haud *) Vide : Jaeger, Der Cardinal Nicolaus von Cusa, I. Egger, Geschichte von Tirol.