Scriptores Ordinis S. Benedicti qui 1750-1880

abbas fratri Adalberto pollicitus est, successor Gunther annuente episcopo Brunensi adimplevit et Adalbertum praevio examine in omnibus sacris disciplinis optime versatum testificantem, ad sacri presbyteratus ordinem promotum iri benigne induisit, quod Raigradii 22. Ian. i860 dominica tertia postEpiphaniam contigit. Primitiis in nostra ecclesia celebratis aetate venerabilis pater Adalbert! praesens fuit, qui iure canticum Zachariae: „nunc dimittis servum tuum" laetabundus incepit, quum iilium in postum felicem diu desideratum pervectum aspiceret. Iurisdictionis litteris 2 5. Oct. eiusdem anni acceptis ut ad dies commorationis sui in ecclesia Raigradiensi curam animarum subsidiario modo exerceat, cooperator instituitur et ad providendam ecclesiam filialem Opatovicensem delegatur. Et postquam anno 1872 concursum pro ambientibus parochiam praescriptum absolvit, anno 1878 in locum defuncti parochi Ostrovacicensis subrogates est, ubi hucusque verbo et exemplo gregem fidelium pascit. Fervente amore eximioque ingenio praeditus artes ingenuas, praesertim poesin, musicam et picturam, exercere conatus Adalbertus noster ab adolescentia sua omnem navavit operam, ut vires animi, quas natura ipsi praebuit, favente fortuna explanaret et excoleret. Musica eum occupatum tenebat, quamdiu ludimagisterio fungebatur ; quamquam hac vice nulla produxerat opera ingeniosa, tamen diurno labore eo pervectus, ut omnia instrumenta musica legesque harmoniae intelligeret et critica ratione hac in re iudicare et tractare posset. Sub idem tempus, cum occasio praeberetur, carmina haud invita Minerva dicebat, quae versibus impariter iunctis, sollemnia, casus adversos etc. hominum memoriae traderent ; veste vero religiosa indutus, stilo poetica abstinere videtur, una vice excepta, quum impletum esset ardentissimum cordis desiderium et ipse presbyter ordinatus esset. Assiduo autem labore deditus manebat arti picturae; summi huius artis iudices uno ore laudant graphides, quas Adalbertus noster penna corvina eleganter et diligenter, accurate et polite, delineabat; has inter primum locum obtinet diploma a nostro monasterio cardinal! Falcinelli traditum, cum in confoederatorum nostrorum numerum cooptaretur nec non cyclus imaginum ad vitam s. Benedicti spectantium penna subtili et eleganti delineatarum, quae nuntio apostolico moderno Iacobini dono oblatae fuere. Quae P. Slouk coloribus pinxit, exemplaria tantum sunt ex aliis imaginibus exscripta, verum tamen tali nitore insignes, ut originalia nonunquam superent, ex. gr. imago praelati Victoris, quam pictor originális dom. Zeleny suum esse opus lapsu delectabili arbitrabatur. Depinxit et alia exemplaria, quae in festo Corporis Christi altaribus imponuntur, imaginent s. Barbarae servatam in ecclesia Opatovicensi ex originali vicinae ecclesiae Bluöicensis ; imaginem, qua res e vita eremitae Guntheri adumbrantur etc. Maxime autem illi in votis erat ecclesiam filialem Opatovicensem restaurando renovandoque ita exstruere et instituere, ut omnibus numeris architecturae perficeretur; adquisivit benefactores et ultimum ex proprio aere obolum dedit, ut opus citius ad finem perduceretur, cui curam et custodiam assiduam adhibuit. Gloriatur itaque pagus Opatovicensis ecclesia tarn perfecta omni 57