Scriptores Ordinis S. Benedicti qui 1750-1880
effusum luxum, quem gens rustica et opificum grex aeque ac nobiles et huius saeculi divites in vestibus fecerunt magno cum damno familiarum, cohiberi voluit legibus, quibus quoad materiam et formam decentem vestitum utriusque sexus determinavit. Nec non convivia nimis lauta in nuptiis, puerperio et infantium baptismo apparari solita restringi praescripsit. Denique non potest silentio praeteriri principis eircumspicientia, quam subditis adhibuit annis 1 771 et 17.72, qui in summa annonae caritate erant, ut fruges ad panem quotidianum et conserendos agros vix maximo pretio haberi possent, multique in exteris terris fere fame perirent, aut ad panem comparandum extremum, ut aiunt, nummum expendere coacti essent. Cavit sollicitus princeps sub gravissima muleta, 11e fruges in solo Blasiano natae eveherentur, aut iis venderentur, qui tantum turpis lucri gratia emunt, ut quam plurimo iterum vendant insuper habita publica calamitate. Quo factum est, ut subditi fruges minori pretio habere possent, et pauperibus turmatim confluentibus eleemosyna non deesset. His aliisque beneficiis , etiam ex aerario s. Blasii large in subditos delectis et domini seu regentis officium implevit, et patris affectum abunde commonstravit optimus princeps. Semper memor officiorum principis seu regentis, etiam legibus intendit, ut subditi supremi domini- leges observarent, et vitam degerent christiano nomine dignam. Cum compertum haberet, vitia carnis et pessimam iurandi et peierandi consuetudinem inter subditos grassari, ad ea abolenda severas leges cum muletis et poenis corporalibus aut etiam sanxit exsilio. Pluribus diebus feriatis pontificis supremi auctoritate in commodum rusticorum et opificum eo potissimum fine abrogatis, ut deinceps diebus dominicis et de praecepto festivis populus christianus eo sanctius et devotiusDeo serviret, subditis severe praecepit, ut his diebus concioni, catechesi, sanctissimae missae sacrificio et vesperis devote adsisterent, ab omni opere servili, commercio, publicis choreis diligenter et accurate se continerent. Voluit simul, ne eos conviciis impeterent, qui in abrogatis feriis domi aut ruri opus facerent, cum certum sit, concesso honesto labore melius Deo serviri, quam pravo aut saltem inutiliotio. Subditorum spiritualibus indigentiis celebratione sacrorum et doctrina religionis consulturus, in Eschbach, Brenden, Höchenschwand et Ibach pastores proprios, parochos quippe instituit, qui in illis pagis residebant, curae animarum sibi commissarum vacantes; in Albbrugg autem sacellum amplum et decorum exstruxit in gratiam opificum officináé ferrariae, et in proxima parochia Tongerensi proprium vicarium institui fecit, qui in isto sacello sacra faceret, et omnes partes pastoris sustineret in operarios. Monasterium monialium o. s. B. avenerabili abbate Rusteno in monte Beroviensi fundatum, inde ab origine quoad spiritualia et temporalia abbatibus s. Blasii erat subiectum, eorumque munificentia, sexies igne consumtum, pulchrius semper et aptius restitutum. Post obitum praepositae Victoriae Meyer, quae moniales nimium quantum auxerat, reditus coenobii, nunquam copiosi, tanto numero monialium vix suffecturi credebantur; at abbas Martinus pro sua in filias dementia periclitanti
