Scriptores Ordinis S. Benedicti qui 1750-1880

sollerter an neglegenter administret; num solvendis contractis debitis par esse queat; num tuto illi deinceps peeunia pro foenore eredi possit, aliaque. Quae quidem omnia domini, subditorum et foeneratorum commodo erant adeo evidenti, ut vicinorum principum subditi parem providentiam sibi frustra peroptarent. Paterna dein commiseratione erga pupillos, quorum Patrimonium saepissime incuria tutorum pessumit, pie sanxit, ut bona pupillorum in íiscum publicum pro foenore elocentur sub tutela quaestoris Blasiani in Bonndorf, donee pupilli adoleverint, et rebus suis ipsi -prospicere possint. Similiter sanxit de bonis haereditariis miserabilium et absentium, ut vere tutor et pater pupillorum dici potuerit. Maximum vero opus pietatis charitatisve aggressus est, condendo, venerabili capitulo San-Blasiano assentiente, amplum hospitale in Bonndorf, ad cuius perpetuam sustentationem 80000 florenos ex s. Blasii proventibus devovebat, subditis tantum 9000 conferentibus: idque ex dupplici fine, ut subditi aetate, aegritudine vel inopia pressi, aut membrorum recto usu destituti, adeoque pani lucrando impares honeste sustentarentur, et ut locus iste inserviret ad puniendos et corrigendos fornicarios, prodigos, inoboedientes, aliis vitiis infames. Utique iam antecessor Meinradus de eiusmodi instituto cogitaverat, verum morte praeventus successori Martino reliquit, ut perficeret. Et révéra post feliciter restitutas s. Blasii aedes, et felicius adhuc compositam cum serenissima domo Austriaca gravissimam litem, in perpetuum gratitudinis erga Deum monumentum fundare statuit illud hospitale. Die 29. Iun. 1781 abbas Martinus sollemniter primum aedificii lapidem posuit. Post triennium aedibus, utensilibus aliisque necessariis rite dispositis die 14. Nov. 1784 primitias pii instituti, decem pauperes et miseros, publica processione e parochiali ecclesia eo introduxit, simul sacellum in honorem s. Laurentii diac. et mart. consecravit, annua insuper remuneratione P. P. Paulinis promissa, ut unus eorum singulis diebus dominicis et festivis in sacello sacra faceret, et praeleeti evangelici segmenti morali explicatione incolas rudes plerumque, male educatos, infimae plebis homines, qui ecclesiam parochialem adiré non possent, instrueret, et ad servandam concordiam, patientiam aliasque virtutes colendas commoneret, quae hoc hominum genus decerent. Numerus incolarum huius hospitalis in dies augebatur. (Grata posteritas abbatem Martinum anno i856 insigni monumento in eius memóriám in Bonndorf collocato digne honoravit; et anno 1868 tota civitas Bonndorfensis eodem grato animo sollemniter celebravit benignam curam, qua ante centum annos íiscum in gratiam pupillorum fundaverat.) Porro etiam de abigendis perniciosis vagabundis e territorio suo, de inquirendis et sublevctndis mendicis et sinistra fortuna in egestate degentibus, et quoadusque quodvis commune pauperes sui loci alere teneretur, sapienter praecepit et benigne. Ne patresfamilias incendio aedium atque supellectilis ad extremum inopiae venirent, illis auxilium adlaturus, inter subditos ditionis imperii saluberrimam societatem fundavit, ut ex pecuniis pro rata parte ab omnibus incolis numeratis tanta summa subrogaretur illi, qui damnum passus est, quanta aequat pretium aedium combustarum. Praeterea 16